ডিজিটেল ডেস্কঃ বৃহস্পতিবাৰে কণ্ঠশিল্পী জুবিন নৌতিয়ালক লৈ এক অতি চাঞ্চল্যকৰ খবৰ চৰ্চালৈ আহিছিল।ঘৰত চিৰিৰ পৰা পৰি আহত হৈছিল জুবিন নৌতিয়াল। অৱশ্যে এতিয়া জুবিনৰ অনুৰাগীৰ বাবে এক সকাহৰ খবৰ আহিছে। অনুৰাগীৰ মৰম আৰু প্ৰাৰ্থনা কামত আহিল। জুবিন নৌতিয়াল এতিয়া আগৰ তুলনাত ভাল। এই তথ্য তেওঁ টুইট কৰি নিজেই জনাইছে।
অনুৰাগীসকলক জুবিন নৌতিয়ালক লৈ চিন্তিত হৈ থকা দেখা গৈছিল। সকলোৱে তেওঁৰ আৰোগ্যৰ বাবে প্ৰাৰ্থনা কৰিছিল। সকলোৰে প্ৰাৰ্থনা আৰু মৰমৰ প্ৰভাৱত এতিয়া তেওঁ ভালেই আছে। জুবিনে টুইট কৰি অনুৰাগীৰ সৈতে নিজৰ অৱস্থাৰ বিষয়ে জানিবলৈ দিছে। তেওঁ লিখে, ''আপোনালোকৰ মৰম- আশীৰ্বাদৰ বাবে ধন্যবাদ। ভগৱানে মোক চাই আছিল আৰু সেই মাৰাত্মক দুৰ্ঘটনাটোৰ পৰা মোক ৰক্ষা কৰিছিল। এতিয়া মই সুস্থ হৈ উঠিছো। আপোনালোকৰ অশেষ মৰম আৰু প্ৰাৰ্থনাৰ বাবে ধন্যবাদ।''
জুবিন নৌতিয়ালে নিজৰ সুস্থতাৰ কথা উল্লেখ কৰি এখন ফটোও পোষ্ট কৰিছে। ছবিখনত তেওঁক চিকিৎসালয়ৰ বিচনাত বহি থকা দেখা গৈছে। জুবিনৰ এখন হাতত বেণ্ডেজ লগোৱা আৰু আনখন হাতেৰে তেওঁক খাদ্য খোৱা দেখা গৈছে। ইমান আঘাত পোৱাৰ পাছতো জুবিনৰ মুখৰ ভাবটোৱে তেওঁৰ শক্তি ফুটাই তুলিছে। হয়তো আপোনজনৰ পৰাই তেওঁ এই শক্তি পাইছে।
চিৰিৰ পৰা পৰি জুবিনৰ কঁকাল ভাঙি যায়। কেৱল এয়াই নহয়, এই ঘটনাত তেওঁৰ মূৰ, কপাল আৰু শিৰাও আঘাতপ্ৰাপ্ত হয়। জুবিনক চিকিৎসাৰ বাবে মুম্বাইৰ এখন চিকিৎসালয়ত ভৰ্তি কৰোৱা হৈছিল। এতিয়া ডিচচাৰ্জ হোৱাৰ পাছত গৃহ চহৰলৈ গৈছে। আপাততঃ চিকিৎসকে জুবিনক সোঁহাত ব্যৱহাৰ নকৰিবলৈ কৈছে।
Continue Reading
