ডিজিটেল ডেস্কঃ আলিয়া ভাট-ৰণবীৰ কাপুৰৰ কন্যা ৰাহা। জন্ম হোৱাৰ লগে লগে অনুৰাগীসকলে কন্যাশিশুটিৰ মুখখন চাবলৈ উদগ্ৰীৱ হৈ আহিছে। কেতিয়াকৈ প্ৰথমবাৰৰ বাবে দেখা যাব ৰাহাৰ মুখ।
তেনে সময়তে বৃহস্পতিবাৰে ইনষ্টাগ্ৰামত আলিয়াৰ ইনষ্টাগ্ৰাম পোষ্টক লৈ সৃষ্টি হৈছিল হুলস্থুল। পোষ্টটোত গোলাপী কাপোৰ পিন্ধা এজনী ধুনীয়া কণমানি ছোৱালীৰ ফটো শ্বেয়াৰ কৰে আলিয়াই।
লগে লগে অনুৰাগীসকল ব্যষ্ট হৈ পৰে। এই ধুনীয়া কন্যাশিশুটি কোন? সকলোৱে প্ৰথমে ভাবিছিল যে ৰণবীৰ কাপুৰ আৰু আলিয়াই তেওঁলোকৰ কেঁচুৱা ছবি প্ৰকাশ কৰিছে। লগে লগে ভাইৰেল হৈ পৰে ছৱিখন।
কিন্তু কিমান সঁচা? সঁচাকৈয়ে নৱজাত সন্তানৰ ছৱি সামাজিক মাধ্যমত প্ৰকাশ কৰিছিলনে আলিয়াই?
আলিয়াৰ ইনষ্টাগ্ৰাম প্ৰফাইল চেক কৰিলে দেখা যাব যে অভিনেত্ৰীগৰাকীয়ে একেৰাহে এখন নহয়, তিনিখন ছবি পোষ্ট কৰিছে।
বহুতে জনা মতে আলিয়াৰ নিজাকৈ কাপোৰৰ কোম্পানী আছে, য’ত শিশুৰ কাপোৰ তৈয়াৰ কৰা হয়। প্ৰাকৃতিক কেঁচামালৰ পৰা নিৰ্মিত সেই অতিৰিক্ত কোমল কাপোৰবোৰৰ দামো সুলভ। কোম্পানীটোৰ নাম ‘এড-এ-মামা’।
অভিনেত্ৰীগৰাকীয়ে ব্ৰেণ্ডটোৰ শেহতীয়া ফটোশ্বুটৰ শিশুকেইটাৰ ছবি পোষ্ট কৰে। ফটোখনৰ কেপচনত আলিয়াই লিখিছে- ''আমাৰ ‘এড-এ-মামা’ কাপোৰবোৰেই আটাইতকৈ কোমল। ইয়াত প্লাষ্টিক নাথাকে। শিশুৰ বাবে অত্যন্ত নিৰাপদ। এতিয়া ড্ৰেছ, টি-চাৰ্ট সকলো কিনিব পাৰিব।"
ইয়াৰ পিছত আলিয়াই ব্ৰেণ্ডটোৰ বাবে নিজৰ সন্তানক কাপোৰ পিন্ধি ফটো উঠিবলৈ অনুমতি দিয়া অভিভাৱকসকলক ধন্যবাদ জনায়। তাৰ পৰা স্পষ্ট হৈ পৰিল যে সেই ল’ৰা-ছোৱালীবোৰৰ কোনো এটাই আলিয়াৰ সন্তান নহয়।
