ডিজিটেল ডেস্ক: নিজৰ প্ৰিয় অভিনেতাগৰাকীক ওচৰৰ পৰা চোৱাৰ সপোন প্ৰত্যেকজন অনুৰাগীৰ ৷ এই সপোনৰ পম খেদি এজন অনুৰাগীয়ে এদিন দুদিন নহয়, সুদীৰ্ঘ ৯৫ দিনৰ অপেক্ষাৰ অন্তত নিজৰ প্ৰিয় শিল্পীগৰাকীক লগ পায় ৷ বলীউডৰ কিং খান বুলি পৰিচিত শ্বাহৰূখ খানক হয়তো সমগ্ৰ বিশ্বই চিনি পায় ৷ যোৱা ২ নৱেম্বৰত শ্বাহৰুখ খানে ৫৯ সংখ্যক জন্মদিন উদযাপন কৰে ৷ শ্বাহৰুখ খানৰ ঘৰ মান্নাতৰ বাহিৰত শ্বাহৰুখ খানৰ এটা মাত্ৰ আভাস পাবলৈ হাহাকাৰ কৰে তেওঁৰ লক্ষাধিক অনুৰাগীয়ে ।
লক্ষাধিক অনুৰাগীৰ মাজত এজন অনুৰাগী,যাৰ নাম মহম্মদ আনছাৰী ৷ তেওঁ ঝাৰখণ্ডৰ বাসিন্দা ৷ ঝাৰখণ্ডৰ পৰা আহি মুম্বাইত শ্বাহৰুখ খানৰ মান্নাতৰ দুৱাৰদলিত দিনে-ৰাতি অপেক্ষা কৰে মহম্মদ আনছাৰীয়ে ৷ মাথো তেওঁক এবাৰ লগ পোৱাৰ আশাত ৷ অৱশেষত সুযোগ পালে তেওঁ । ৫৯ সংখ্যক জন্মদিনত শ্বাহৰুখ খান অনুৰাগীৰ সৈতে হোৱা এখন বৈঠকত শ্বাহৰুখ খানৰ এই অনুৰাগীজনকো আমন্ত্ৰণ জনোৱা হৈছিল । যেতিয়া শ্বাহৰুখে এই কথা জানিব পাৰিলে, তেতিয়া তেওঁ নিজেই মহম্মদ আনছাৰীক লগ কৰে আৰু তেওঁৰ লগত এখন ফটোও ক্লিক কৰিলে । অনুৰাগী মহম্মদ আনছাৰীয়ে শ্বাহৰুখ খানৰ লগত হাত মিলাই থকা এখন ফটো ছ’চিয়েল মিডিয়াত বৰ্তমান তীব্ৰ চৰ্চাত আছে।
এক সাক্ষাৎকাৰত অনুৰাগী মহম্মদ আনছাৰীক যেতিয়া কোৱা হৈছিল যে শ্বাহৰুখ খানে তেওঁক লগ কৰিব, আনচাৰীয়ে কয়, “শ্বাহৰুখ খানে মোক নহয়, মইহে তেওঁক লগ কৰিম ।” আনহাতে, তিনি মাহৰ বাবে কেন্দ্ৰটো বন্ধ ৰখাৰ ফলত মহম্মদ আনছাৰী যথেষ্ট আৰ্থিক ক্ষতিৰ সন্মুখীন হৈছে । এই সন্দৰ্ভত মহম্মদ আনছাৰীয়ে কয়, “যদি মই শ্বাহৰুখ ছাৰক লগ নাপাওঁ, তেন্তে গাঁৱত মোৰ সন্মান নাথাকিব, কিন্তু শ্বাহৰুখ খানে তেওঁৰ অনুৰাগীক নিৰাশ নকৰিলে আৰু লগ পাই মোৰ সপোন পূৰণ কৰিলে ।”
Continue Reading
