ডিজিটেল ডেস্কঃ ৰাজস্থান ৰয়েলছৰ বিৰুদ্ধে চেন্নাই ছুপাৰ কিংছক শেষৰ ৬টা বলত ২১ ৰানৰ প্ৰয়োজন হৈছিল। মহেন্দ্ৰ সিং ধোণীয়ে একেৰাহে দুটা ছয় মাৰে। কিন্তু সন্দীপ শৰ্মাই চেন্নাইক শেষৰ বলত পৰাস্ত কৰে। সন্দীপে ধোনীক ৰিংকু সিং হ’বলৈ নিদিলে। তাৰপাছৰে পৰা চৰ্চা চলি আছে এই বিষয়ে।
খেলৰ অন্তত সন্দীপে ধোনীক কেনেদৰে নিয়ন্ত্ৰণত ৰাখিছিল সেই কথা জনালে। সন্দীপে কয়- “মই মাত্ৰ য়ৰ্কাৰক সঠিকভাৱে ব্যৱহাৰ কৰাত মনোনিৱেশ কৰিছিলোঁ। নেট অতি ভাল ইয়ৰ্কাৰ বলিং কৰিছিলো। আৰম্ভণিতে ধোনীৰ ভৰিৰ গোৰোহাত এটা য়ৰ্কাৰ দি ভুল কৰিছিলোঁ। গতিকে উইকেটটোক ডাইৰেক্ট টাৰ্গেট কৰি এটা য়ৰ্কাৰ দিবলৈ চেষ্টা কৰিলোঁ। সেইটোৱেই কাম কৰিলে।"
সন্দীপে কয়, ‘মহি ভাই ক্ৰীজত থকাৰ সময়ত বলৰ এংগেল সলনি কৰিব বিচাৰিছিলো, যাতে তেওঁ বুজি নাপায়। অফ ষ্টাম্পৰ বাহিৰত বলিং কৰি সফলতা লাভ কৰিলোঁ।"
জাডেজাৰ বিৰুদ্ধে বলিং কৰাৰ সন্দৰ্ভত সন্দীপে কয়, ''মই তেওঁৰ বাউণ্ডেৰীৰ বাহিৰত বলিং কৰিব বিচাৰিছিলো। যাতে বেটখন ব্যৱহাৰ কৰিব নোৱাৰে।"
ইয়াৰ পূৰ্বে ২০০৮ চনত ৰাজস্থানে শেষবাৰৰ বাবে চেন্নাইত পৰাস্ত কৰিছিল। ইয়াৰ পিছত চেন্নাইত একেৰাহে ছখন খেলত পৰাস্ত হয় দলটো। চেন্নাইত ৰাজস্থানৰ এয়া দ্বিতীয়টো জয়। এই ক্ষেত্ৰত দল দুটাই মুঠ ছয়বাৰ খেলিছে। এই জয়ত ৰাজস্থানে পইণ্ট টেবুলত শীৰ্ষস্থান দখল কৰে। তেওঁলোকৰ ৰান ৰেটও বহুত ভাল।
