ডিজিটেল ডেস্ক: মনোহৰন (৩৬) আৰু তেওঁৰ পত্নী সুকন্যা (৩২) তিৰুৱন্নমলাই বাসিন্দা। এই দুগৰাকী স্বামী-স্ত্ৰীয়ে যি কাৰ্যই কৰিছে এই কাৰ্যই আপোনাক ক্ষন্তেক সময়ৰ বাবে আচৰিত কৰি তুলিব। লগতে ছ’চিয়েল মিডিয়া সন্দৰ্ভত আপোনাৰ মনলৈ বহু প্ৰশ্ন আহিবলৈ আৰম্ভ কৰিব। কুন্দ্ৰথুৰৰ সমীপৰ নন্দমবক্কমত ঘৰতে সন্তান জন্ম দিয়ে দম্পতীয়ে। আটাইতকৈ আচৰিত কথাটো হ’ল, হোৱাটছএপ গ্ৰুপৰ নিৰ্দেশ অনুসৰি তেওঁ ঘৰতে সন্তানটো জন্ম দিলে।
এই হোৱাটছএপ গ্ৰুপত ১০০০ৰো অধিক সদস্য আছে। এই বিষয়টো পোহৰলৈ অহাৰ লগে লগে স্বাস্থ্য বিষয়াসকলে ইয়াক লৈ উদ্বেগ প্ৰকাশ কৰে। এই ঘটনাৰ পিছত আৰক্ষীয়ে বিষয়টোৰ তদন্ত আৰম্ভ কৰিছে এতিয়ালৈকে পোৱা খবৰ অনুসৰি এই দম্পতীয়ে ৮ আৰু ৪ বছৰীয়া কন্যা দুগৰাকীৰ সৈতে ভাড়াঘৰত থাকে।
উল্লেখ্য যে মনোহৰণ ‘হোম বাৰ্থ এক্সপিৰিয়েন্স’ নামৰ হোৱাটছএপ গ্ৰুপৰ সদস্য । এই গ্ৰুপত অন্তৰ্ভুক্ত লোকসকল প্ৰসৱৰ বিষৰ বিষয়ে আৰু ইয়াৰ সৈতে জড়িত তথ্য আহৰণৰ ক্ষেত্ৰত অতি সক্ৰিয়। তৃতীয় সন্তানৰ সৈতে সুকন্যা গৰ্ভৱতী হোৱাত গৰ্ভাৱস্থাত কোনো ধৰণৰ চিকিৎসা পৰীক্ষা নকৰাৰ সিদ্ধান্ত লয়। ইমানেই যে ১৭ নৱেম্বৰত যেতিয়া সুকন্যা প্ৰসৱত সোমাইছিল, তেতিয়া দম্পতীহালে চিকিৎসালয়লৈ যোৱাৰ পৰিৱৰ্তে হোৱাটছএপ গ্ৰুপৰ পৰা নিৰ্দেশনা আৰু টিপছ লোৱাৰ সিদ্ধান্ত লয়। খবৰ অনুসৰি মনোহৰনে নিজেই প্ৰসৱৰ যত্ন লয়।
অঞ্চলটোৰ জনস্বাস্থ্য বিষয়াগৰাকীয়ে শিশুটিৰ জন্মৰ পিছতে দম্পতীৰ বিৰুদ্ধে কুন্দ্ৰথুৰ থানাত এজাহাৰ দাখিল কৰে। এজাহাৰত উল্লেখ আছে যে মনোহৰণৰ এই কাৰ্যই নিৰ্ধাৰিত চিকিৎসা সুৰক্ষাৰ নিয়ম উলংঘা কৰিছে। অভিযোগৰ পিছতে আৰক্ষীয়ে মনোহৰনক জেৰা কৰি তদন্তৰ সময়ত হোৱাটছএপ গ্ৰুপৰ সৈতে তেওঁৰ সম্পৰ্কৰ বিষয়ে জানিবলৈ পায়।
Continue Reading
