বুধবাৰে পুৱা দিল্লী বিমানবন্দৰত এক আসন্ন দুৰ্ঘটনা ৰোধ কৰা হয়।ঘটনা অনুসৰি এখন বিমান অৱতৰণ প্ৰক্ৰিয়াত থকাৰ সময়তে ভিষ্টাৰা এয়াৰলাইন্সৰ এখন বিমান উৰণৰ অনুমতি দিয়া হয়।দুয়োখন বিমানৰ সংঘৰ্ষ হোৱাৰ পূৰ্বে এ টি চিৰ নিৰ্দেশ অনুসৰি বিমানখন বাতিল কৰা হয়। এই তথ্

Listen to Article

2 min read

80%

ডিজিটেল ডেস্কঃ বুধবাৰে পুৱা দিল্লী বিমানবন্দৰত এক আসন্ন দুৰ্ঘটনা ৰোধ কৰা হয়।ঘটনা অনুসৰি এখন বিমান অৱতৰণ প্ৰক্ৰিয়াত থকাৰ সময়তে ভিষ্টাৰা এয়াৰলাইন্সৰ এখন বিমান উৰণৰ অনুমতি দিয়া হয়।দুয়োখন বিমানৰ সংঘৰ্ষ হোৱাৰ পূৰ্বে এ টি চিৰ নিৰ্দেশ অনুসৰি বিমানখন বাতিল কৰা হয়। এই তথ্য ইতিমধ্যে সংবাদ সংস্থা এএনআইয়ে সামাজিক মাধ্যমযোগে প্ৰকাশ কৰিছে।

এএনআইৰ মতে, দিল্লীৰ পৰা বাগডোগ্ৰালৈ যোৱা ইউকে৭২৫ বিমান সদ্য উদ্বোধন কৰা নতুন ৰাণৱেৰ পৰা উৰা মাৰিছিল। একে সময়তে আহমেদাবাদৰ পৰা দিল্লী অভিমুখী ভিষ্টাৰাৰ বিমানে কাষৰ ৰাণৱেত অৱতৰণ কৰাৰ পাছত একেটা ৰাণৱেৰ শেষৰ ফালে আগবাঢ়িছিল।

বিমানখনৰ উৰণ বাতিল হোৱাৰ পাছতে দিল্লী-বাগডোগ্ৰা বিমানখন ততাতৈয়াকৈ পাৰ্কিং এলেকালৈ উভতি যায়।বিমানখনত ইন্ধন ভৰোৱা হৈছিল যাতে পাইলটে বাগডোগ্ৰাত বেয়া বতৰৰ সন্মুখীন হ’লে দিল্লীলৈ উভতি যাব পৰাকৈ বিমানখনত যথেষ্ট ইন্ধন থাকে।

বিমানবন্দৰৰ বিষয়াসকলৰ মতে, যদিহে সঠিক সময়ত বিমানখন বন্ধ কৰা নহ’লহেঁতেন তেন্তে এটা ডাঙৰ দুৰ্ঘটনা সংঘটিত হ’লহেঁতেন।উল্লেখযোগ্য যে ষ্টেণ্ডাৰ্ড অপাৰেটিং প্ৰচিডিউৰ (SOP) অনুসৰি উৰণ আৰু অৱতৰণ প্ৰক্ৰিয়াৰ সময়ত কোনো বিমান বা বাহনৰ চলাচলৰ অনুমতি দিয়া নহয়।