ডিজিটেল ডেস্কঃ বিহাৰত সংঘটিত হৈছে এক ভয়ংকৰ ঘটনা৷এখন সম্পূৰ্ণ দলং আৰু পথৰ কিছু অংশ চুৰি হোৱাৰ খবৰৰ পাছত বিহাৰত পুনৰ এক চুৰি সংঘটিত হোৱাৰ খবৰ পোৱা গৈছে।বিহাৰৰ দৰভংগা জিলাত নিশাটোৰ ভিতৰতে এটা পুখুৰী পুতি এটা জুপুৰি নিৰ্মাণ কৰা হয়।
দৰভংগাৰ চৰকাৰী পুখুৰীটো ভূ-মাফিয়াই চুৰি কৰাৰ অভিযোগ উত্থাপন হৈছে।পুখুৰীটোৰ জলভাগ বালিৰে ভৰাই তাৰ ওপৰত এটা জুপুৰি নিৰ্মাণ কৰা বুলি জানিব পৰা গৈছে। নিশাটোৰ ভিতৰতে ট্ৰাক আৰু যন্ত্ৰপাতি চলাচল কৰাৰ পাছতে স্থানীয় ৰাইজে আৰক্ষীক বিষয়টো সন্দৰ্ভত সতৰ্ক কৰি দিয়ে।সেই ঠাইৰ পৰা পোৱা দৃশ্যবোৰে এটা সমতল অঞ্চল দেখুৱাইছে, য’ত এটা নিৰ্মিত জুপুৰি আছে। সেই স্থানতে পুখুৰীৰ কোনো চিন-মোকাম কেতিয়াও হোৱা নাই।
জিলাখনৰ ডি এছ পি কুমাৰে কয় যে, ‘স্থানীয় ৰাইজে কয় যে যোৱা ১০-১৫ দিনত মাটি ভৰোৱা কাম হৈছিল। বেছিভাগ ৰাতিৰ সময়ত কাম কৰা হৈছিল। এই মাটি কাৰ মালিক সেই বিষয়ে আমাৰ হাতত কোনো তথ্য নাই৷”বৰ্তমান এই অস্বাভাৱিক ‘চুৰি’ৰ তদন্ত এতিয়া দৰভংগা আৰক্ষীয়ে অব্যাহত ৰাখিছে।
Continue Reading
