ডিজিটেল ডেস্কঃ এতিয়ালৈকে আই পি এলৰ নিলামত মাত্ৰ তিনিবাৰহে ব্যৱহাৰ কৰা হৈছে ‘ছাইলেণ্ট টাইব্ৰেকাৰ’ নিয়ম। এই নিয়মৰ সহায়ত ২০১০ চনত কিয়ৰন পোলাৰ্ড আৰু শ্বেন বণ্ড আৰু ২০১২ চনত ৰবীন্দ্ৰ জাডেজাক ক্ৰয় কৰা হৈছিল। সেই নিয়ম এই বাৰো দেখা পোৱা যাব নেকি?
যেতিয়া একাধিক দলে এজন ক্ৰিকেটাৰৰ বাবে নিজৰ সকলো ধন খৰচ কৰিবলৈ সাজু হয় তেতিয়া ‘ছাইলেণ্ট টাইব্ৰেকাৰ’ নিয়ম ব্যৱহাৰ কৰা হয়। যদি সেই সময়ত দুয়োটা দলে একে ধন দিবলৈ সাজু হয়, তেন্তে ক্ৰিকেটাৰজনক ‘ছাইলেণ্ট টাইব্ৰেকাৰ’ৰ জৰিয়তে বিক্ৰী কৰা হয়।
নিজৰ সকলো পইচা খৰছ কৰাৰ পাছত দুয়োটা দলে সিদ্ধান্ত লয় যে ক্ৰিকেটাৰ এজনক নিবলৈ আৰু কিমান টকা দিব। যি দলে বেছি ধন দিয়ে সেই দলে ক্ৰিকেটাৰজনক পায়। অৱশ্যে এই অতিৰিক্ত ধন ক্ৰিকেটাৰে নাপায়, ব’ৰ্ডে পায়। অৱশ্যে সেই ধনৰ পৰিমাণ প্ৰকাশ কৰা হোৱা নাই।
এই নিয়ম তেতিয়াহে কাৰ্যকৰী হ’ব যেতিয়া এটাতকৈ অধিক দলে নিজৰ সমগ্ৰ ধন খৰচ কৰিব। তেতিয়াহে প্ৰৱৰ্তন হ’ব নিৰৱ টাইব্ৰেকাৰ নিয়ম।
Continue Reading
