ডিজিটেল ডেস্কঃ ভিক্টোৰিয়া বেকহাম। ইংলেণ্ডৰ প্ৰাক্তন ফুটবলাৰ ডেভিদ বেকহামৰ পত্নী। ইয়াৰ উপৰিও তেওঁ গ্লেমাৰৰ জগতখনত ফেশ্বন ডিজাইনাৰ হিচাপেও সুপৰিচিত। ৪৯ বছৰ বয়সতো তেওঁৰ সৌন্দৰ্যত সমগ্ৰ বিশ্বই মুগ্ধ হৈ পৰিছে।
শেহতীয়াকৈ দিয়া এক সাক্ষাৎকাৰত ভিক্টোৰিয়াই কয় যে তেওঁ কেতিয়াও চকুৰ চেলাউৰী নঁঅকাকৈ স্বামী ডেভিদৰ সন্মুখলৈ যোৱা নাছিল। ভিক্টোৰিয়াই কয়, ‘মই চেলাউৰী ক্ষেত্ৰত অতি বিশেষ সচেতন। চেলাউৰী অংকন নকৰাকৈ মই কেতিয়াও বেকহামৰ সন্মুখলৈ যোৱা নাছিলো। মেকআপ কৰি ভাল পাওঁ।’’
সাক্ষাৎকাৰত ভিক্টোৰিয়াই কয় যে শিশু অৱস্থাত তেওঁৰ চেহেৰাক বহুতে ঠাট্টা কৰিছিল। ভিক্টোৰিয়াই কয় যে সৰুতে বহুতে মোক লৈ হাঁহিছিল। এটা সময়ত এই প্ৰভাৱৰ বাবেই মোৰ মন ভাঙি গ’ল। তেতিয়াৰ পৰাই মই হয়তো মোৰ চেহেৰাৰ প্ৰতি অধিক সাৱধান হৈ পৰিছো।
ভিক্টোৰিয়াই নিজৰ সৌন্দৰ্য্য বজাই ৰাখিবলৈ ব্যৱহাৰ কৰা মইশ্ব’ৰাইজাৰটো তাইৰ তেজৰ পৰা তৈয়াৰ কৰা হৈছে। শৰীৰৰ কোষৰ পৰা তৈয়াৰী মইশ্ব’ৰাইজাৰে তেওঁৰ ছালখন ডাঠ কৰি ৰখাত সহায় কৰে, যিটো কথা ভিক্টোৰিয়াই নিজেই কেইবছৰমান পূৰ্বে এক সাক্ষাৎকাৰত প্ৰকাশ কৰিছিল। বেকহামৰ পত্নীয়ে জনোৱা মতে, মইশ্ব’ৰাইজাৰ ব্যৱহাৰ কৰিলে তেওঁৰ ছালখন কোমল আৰু উজ্জ্বল দেখা যায়। এই মইশ্ব’ৰাইজাৰটো বনাবলৈ প্ৰায় ১২০০ পাউণ্ড (ভাৰতীয় মুদ্ৰাত প্ৰায় ১ লাখ ২৬ হাজাৰ টকা) খৰচ হয়।
Continue Reading
