ডিজিটেল ডেস্কঃ একেলগে দেখা নাযাবও পাৰে প্ৰিয়ংকা চোপ্ৰা, আলিয়া ভাট আৰু কেটৰিনা কাঈফক। বলিউডৰ এই তিনিগৰাকী শীৰ্ষ অভিনেত্ৰীক একেলগে দেখা নাযাব পাৰে ‘জী লে জাৰা’ নামৰ চিনেমাখনত।
ফাৰহান আখতাৰৰ জনপ্ৰিয় ছৱি ‘জিন্দেগী না মিলেগি দোবাৰা’ৰ ১১ বছৰ পূৰ্ণ হৈছে। এইবাৰ তেওঁ নিৰ্মাণ কৰিবলৈ লৈছিল ‘জী লে জাৰা’ নামৰ ছৱিখন। ছৱিখনত বলিউডৰ তিনিওগৰাকী শীৰ্ষস্থানৰ অভিনেত্ৰীক লোৱাৰ কথা আছিল।
এমাহ পূৰ্বে এই ঘোষণা কৰিছিল আখটাৰে। কিন্তু এতিয়ালৈকে কোনো কাম আগবঢ়া নাই। জানিব পৰামতে, ছৱিখন নিৰ্মাণ বাদ দিছে আখটাৰে। কিন্তু এতিয়াও ছৱিখনৰ কথা চলি আছে বুলি জনা গৈছে।
আখটাৰে শেহতীয়াকৈ ‘আৰ্চিজ’ নামৰ এখন চিনেমাৰ কামত ব্যস্ত আছিল। তাৰপাছতে এতিয়া খ্ৰীষ্টমাচৰ ছুটি কটাব। তাৰপাছতহে তেওঁ ‘জী লে জাৰা’ৰ কথা ভাবিব।
আনহাতে, সন্তানৰ মাতৃ হৈছে আলিয়া ভাট। সেয়ে কিছু বিৰতি লৈছে অভিনেত্ৰীগৰাকীয়ে। প্ৰিয়ংকা চোপ্ৰাও আছে আমেৰিকাত। আনহাতে, কেটৰিনা কাঈফে নতুনকৈ সাংসাৰিক জীৱন আৰম্ভ কৰিছে। সেয়ে ছৱিখন বিলম্ব হৈছে বুলি অনুমান কৰা হৈছে।
Continue Reading
