ডিজিটেল ডেস্কঃ বাংগালুৰুৰ মালেশ্বৰমৰ এখন শাড়ীৰ দোকানত শাড়ী কিনিবলৈ মহিলাসকলে ভীৰ কৰিছিল। গ্ৰাহকৰ ভীৰত ভৰি থ’বলৈ ঠাই নোহোৱা হৈছিল দোকানখনত । তেনেসময়তে দোকানখন যুদ্ধক্ষেত্ৰলৈ পৰিণত হ’ল। এখন শাৰীক লৈ দুগৰাকী মহিলাৰ কাজিয়া উত্তপ্ত হৈ পৰিল। ইতিমধ্যে এটা ভিডিঅ’ ভাইৰেল হৈছে। যদিও প্ৰাগ ডিজিটেলে সেই ভিডিঅ’টোৰ সত্যতা পৰীক্ষা কৰা নাই।
টুইটাৰত ভাইৰেল হোৱা এই ভিডিঅ’টো পোষ্ট কৰিছে ‘আৰবৈদ্য২০০০’ নামৰ একাউণ্টে। টুইটটোৰ মতে, ‘মহীশূৰ ৰেচম’ শাৰী ক্ৰয়ক লৈ দুগৰাকী মহিলাৰ মাজত তৰ্ক আৰম্ভ হৈছিল। দোকানখনত সেই ৰঙৰ ‘মহীশূৰ ৰেচম’ শাড়ী এখনহে আছিল। দুয়োগৰাকী মহিলাৰ চকু সেই শাৰীখনৰ ওপৰত পৰে।
ভাইৰেল ভিডিঅ’টোত দেখা গৈছে যে শাৰীখনক লৈ দুয়োগৰাকীয়ে পৰস্পৰক আক্ৰমণ কৰে। কাপোৰ টনা-টানি, চুলিয়া-চুলি লাগিব ধৰিলে। ইয়াৰ পিছত দোকানখনত উপস্থিত থকা একাংশ লোকৰ হস্তক্ষেপত কাজিয়াখন বন্ধ হ’ল।
ভিডিঅ’টো টুইটাৰত ভাইৰেল হোৱাৰ পিছত বহু ব্যৱহাৰকাৰীয়ে বিভিন্ন মন্তব্য কৰে।
Continue Reading
