ডিজিটেল ডেস্ক: দেশত পুনৰ বৃদ্ধি পাইছে ক’ভিডৰ সংক্ৰমণ৷ শীতৰ দৰে সংগোপনে পুনৰ আহিছে ক’ভিড৷ বিগত চৌবিশ ঘণ্টাত দেশত ১৪৮গৰাকী লোক আক্ৰান্ত হৈছে ক’ভিডত৷ কেন্দ্ৰীয় স্বাস্থ্য মন্ত্ৰণালয়ে সদৰী কৰিছে এই তথ্য৷ নতুনকৈ আক্ৰান্ত ১৪৮ৰ সৈতে সক্ৰিয় ক’ভিড পজিটিভ ৰোগীৰ সংখ্যা বৃদ্ধি পাইছে ৮০৮লৈ৷
দেশত শনিবাৰপৰ্যন্ত মুঠ কোভিড-১৯ ৰোগত আক্ৰান্তৰ সংখ্যা হৈছে ৪.৫০ কোটি (৪,৫০,০২,৮৮৯) আৰু মৃতকৰ সংখ্যা ৫,৩৩,৩০৬গৰাকী৷ আনহাতে, এই ৰোগৰ পৰা আৰোগ্য হোৱা লোকৰ সংখ্যা ৪,৪৪,৬৮,৭৭৫লৈ বৃদ্ধি হৈছে৷ আৰু আৰোগ্যৰ হাৰ হৈছে ৯৮.৮১ শতাংশ৷ ক’ভিডত মৃত্যুৰ হাৰ ১.১৯ শতাংশ।
মন্ত্ৰণালয়ৰ ৱেবছাইটৰ তথ্য অনুসৰি দেশত এতিয়ালৈকে ২২০.৬৭ কোটি লোকক কোভিড-১৯ৰ প্ৰতিষেধক প্ৰদান কৰা হৈছে। এতিয়া নিৰ্বাচন ওচৰ চপাৰ লগে লগে ক’ভিডৰ সংক্ৰমণ বৃদ্ধিয়ে চিন্তিত কৰিছে চৰকাৰকো৷
Continue Reading
