ডিজিটেল ডেস্কঃ হাতৰ আঙুলি ঘঁহিও শৰীৰৰ বিভিন্ন অংগত হোৱা বিষৰ পৰা মুক্তি পাব পাৰি। প্ৰাচীন জাপানী কলা অনুসৰি প্ৰতিটো আঙুলি নিৰ্দিষ্ট ৰোগ আৰু আৱেগৰ সৈতে সম্পৰ্কিত। আমাৰ হাতৰ পাঁচটা আঙুলি শৰীৰৰ বিভিন্ন অংশৰ সৈতে সংযুক্ত হৈ আছে।
আমাৰ হাতৰ আঙুলিবোৰৰ উদ্বেগ, ভয় আৰু খজুৱতি উপশম কৰাৰ ক্ষমতা আছে। আঙুলিৰ ওপৰত মৃদু চাপ প্ৰয়োগ কৰিলে শৰীৰৰ বহু অংশত তাৰ প্ৰভাৱ পৰে।সেয়ে বিশৰ ক্ষেত্ৰত পেইনকিলাৰ খোৱাৰ সলনি আপুনি এই সহজ আৰু কাৰ্যকৰী পদ্ধতি ব্যৱহাৰ কৰি আৰাম পাব পাৰে। বিশেষজ্ঞসকলে কোৱা অনুসৰি কেৱল হাতৰ আঙুলি ঘঁহি শৰীৰৰ যিকোনো অংশৰ বিষৰ পৰা কিদৰে সকাহ পাব পাৰি সেয়া জানো আহক।
বুঢ়া আঙুলি – হাতৰ বুঢ়া আঙুলি আমাৰ হাঁওফাঁওৰ সৈতে সংলগ্ন হৈ আছে। যদি আপোনাৰ হৃদস্পন্দন দ্ৰুত হয়, বুঢ়া আঙুলিটো লাহে লাহে মালিচ কৰক আৰু লাহে লাহে টানি দিয়ক। ই আপোনাক আৰাম দিব।
তৰ্জনী আঙুলি – এই আঙুলিটো অন্ত্ৰৰ নলীৰ সৈতে জড়িত হৈ থাকে।
যদি আপোনাৰ পেটৰ বিষ হয়, এই আঙুলিটো লাহে লাহে ঘঁহি দিয়ক, বিষ কম অনুভৱ হ'ব।
মধ্যমা আঙুলি – এই আঙুলিটো সংবহন প্ৰণালী আৰু তেজ সঞ্চালন প্ৰণালীৰ সৈতে সংযোজিত। যদি আপুনি মূৰ ঘূৰোৱা বা হঠাতে নাৰ্ভাছ অনুভৱ কৰে, এই আঙুলিটো মালিচ কৰিলে তাৎক্ষণিকভাবে সকাহ পাব।
অনামিকা আঙুলি – এই আঙুলিটো আপোনাৰ মন-মেজাজৰ সৈতে সম্পৰ্কিত। যদি কোনো কাৰণত আপোনাৰ মন বেয়া লাগে বা আপুনি শান্তি বিচাৰে, তেন্তে এই আঙুলিটো লাহে লাহে মালিচ কৰক আৰু টানি দিয়ক। আপুনি ইয়াৰ পৰা ভাল ফলাফল পাব, আপোনাৰ মন ফৰকাল হ’ব।
কেঞা আঙুলি– কেঞা আঙুলি আমাৰ বৃক্ক আৰু মূৰৰ সৈতে সম্পৰ্কিত বুলি বিশেষজ্ঞসকলে কয়। যদি আপোনাৰ মূৰৰ বিষ হয়, তেন্তে এই আঙুলিটো লাহে লাহে টিপক আৰু মালিচ কৰক, আপোনাৰ মুৰৰ বিষ নাইকিয়া হ'ব। কেঞা আঙুলি মালিচ কৰিলে বৃক্ক স্বাস্থ্যৱান হৈ থাকে।
(এয়া স্বাস্থ্য বিষয়ক লেখা এটাৰ সাৰাংশহে। আমি ইয়াৰ বৈজ্ঞানিক সত্যতা পৰীক্ষা কৰি চোৱা নাই)
Continue Reading
