একো দুৰ্ভাগ্য নহয়, অলপ দৌৰিলেই ৰাণ আউট নহ'লহেঁতেন! ভাৰতীয় মহিলা ক্ৰিকেট দলৰ অধিনায়ক হৰমনপ্ৰীতক বিদ্ৰুপ অষ্ট্ৰেলিয়াৰ উইকেট কিপাৰৰ

এনে সময়তে অষ্ট্ৰিয়াৰ খেলুৱৈ এলিছা হিলিয়ে হৰমনপ্ৰীতৰ ৰান-আউটৰ বিষয়ে মুখ খুলিছে৷ কেপ টাউনত অনুষ্ঠিত মহিলা টি-২০ বিশ্বকাপৰ ছেমি ফাইনেলত ভাৰতে আৰু অষ্ট্ৰেলিয়া মুখামুখি হৈছিল। ভাৰতে খেলখনতঅতি সামান্য ৰানত পৰাজিত হয়৷ খেলখনত আটাইতকৈ চৰ্চিত কথাটো  হ'ল হৰমনপ্ৰীত কৌৰৰ ৰাণআউট। দুৰ্ভাগ্যজনকভাবে  ভাৰতীয় দলৰ  অধিনায়কগৰাকী  ৰাণ আউট হৈছিল। এই ৰাণ আউট ক্ৰিকেট জগতৰ দুৰ্ভাগ্যজনক ৰাণ আউটৰ তালিকাত থাকিব বুলিও বহুতে আলোচনা কৰিছে। ছেমি ফাইনেলত ভাৰতৰ পৰাজয়ৰ বাবে বহুলোকে হৰমনপ্ৰীতকে দোষাৰোপ কৰিছে।

মেচখনত পৰাজিত হোৱাৰ পিছত হৰমনপ্ৰীত হতাশ হৈছে। তেওঁ চানগ্লাছ পিন্ধি খেলৰ পিছৰ অনুষ্ঠানলৈ আহিছিল। কেৱল সেয়াই নহয় ভাৰতীয় দলৰ  অধিনায়কগৰাকীয়ে  অলপতে এটা সাক্ষাৎকাৰত এক আৱেগিক বাৰ্তা দিছিল। তেওঁ সকলো  নতুনকৈ আৰম্ভ কৰিব বুলি আশ্বাস দিছিল। সেই খেলখনৰ পিছত এক সাক্ষাৎকাৰত অষ্ট্ৰেলিয়াৰ উইকেটকিপাৰ এলিছা হিলিয়ে কয়, "  ভাৰতৰ অধিনায়কগৰাকীয়ে  প্ৰথম ৰাণ সম্পূৰ্ণ কৰাৰ সময়ত আৰু দ্বিতীয় ৰাণ লোৱাৰ সময়ত প্ৰয়োজনতকৈ লেহেম গতিৰে দৌৰিছিল। সম্ভৱতঃ তেওঁ এটা দীঘলীয়া ইনিংছ খেলিবলৈ নিজৰ শক্তি সঞ্চয় কৰিব বিচাৰিছিল। কিন্তু ভাৰতীয় অধিনায়কগৰাকীয়ে  কল্পনাও কৰিব পৰা নাছিল যে তেওঁ এনেদৰে ৰাণ আউট হ'ব।"   অষ্ট্ৰেলিয়াৰ উইকেটকিপাৰগৰাকীয়ে  কয়, "এয়া  দুৰ্ভাগ্য নহয় ।  দ্বিতীয় ৰানটো  লোৱাৰ সময়ত অলপ জোৰেৰে দৌৰিলেই তেওঁ আউট নহ’লহেঁতেন। '