ডিজিটেল ডেস্কঃ এমবিবিএছৰ চূড়ান্ত বৰ্ষৰ শিক্ষাৰ্থীৰ বাবে শীঘ্ৰে সলনি হ’ব পৰীক্ষাৰ পদ্ধতি। ৰাষ্ট্ৰীয় চিকিৎসা আয়োগে (এনএমচি) অহা দুই-তিনি সপ্তাহৰ ভিতৰত বহু প্ৰত্যাশিত ৰাষ্ট্ৰীয় প্ৰস্থান পৰীক্ষা (নেক্সট) সম্পৰ্কীয় বিতং নিৰ্দেশনা প্ৰকাশ কৰিবলৈ সাজু হৈছে। চিকিৎসা শিক্ষা নিয়ন্ত্ৰকৰ জ্যেষ্ঠ বিষয়াসকলে এই কথা প্ৰকাশ কৰিছে।
অন্তিম বৰ্ষৰ বিশ্ববিদ্যালয় পৰ্যায়ৰ এমবিবিএছ পৰীক্ষা, ৰাষ্ট্ৰীয় যোগ্যতা তথা প্ৰৱেশ পৰীক্ষা (এনইইটি) পিজি আৰু বিদেশী চিকিৎসা স্নাতক পৰীক্ষা (এফএমজিই)ৰ স্থান ল'ব লগীয়া এই পৰীক্ষা ২০২৪ চনৰ পৰা আৰম্ভ হ'ব বুলি বিষয়াসকলে জানিবলৈ দিয়ে। এনএমচিয়ে এইমছক এই পৰীক্ষা অনুষ্ঠিত কৰিবলৈ অনুৰোধ জনাইছে বুলিও প্ৰকাশ কৰে।
এম.বি.বি.এছ.-ৰ অন্তিম বৰ্ষত সকলো শিক্ষাৰ্থী, আৰু যিসকলে ভাৰতৰ বাহিৰত এম.বি.বি.এছ. অধ্যয়ন কৰে আৰু ভাৰতত অনুশীলন কৰাৰ অনুজ্ঞাপত্ৰ প্ৰাপ্ত লাভ কৰিব বিচাৰে, তেওঁলোকেও এই পৰীক্ষাত অৱতীৰ্ণ হ’ব লাগিব। এই পৰীক্ষা দুটা ভাগত অনুষ্ঠিত হ'ব। এই পৰীক্ষাই বিশ্ববিদ্যালয় পৰ্যায়ৰ চূড়ান্ত পৰীক্ষাৰ স্থান ল'ব আৰু এমবিবিএছৰ চূড়ান্ত বৰ্ষৰ শিক্ষাৰ্থীয়ে এই পৰীক্ষাত বহিব লাগিব।
Continue Reading
