ডিজিটেল ডেস্কঃ ২০২৪ চনত অনুষ্ঠিত হ’বলগীয়া লোকসভা নিৰ্বাচনৰ প্ৰস্তুতিত ব্যস্ত উমৈহতীয়া বিৰোধী দলৰ মিত্ৰতাৰ নাম চৰ্চালৈ আহিছে। এই মিত্ৰতাৰ নাম পিডিএ বুলি কোৱা হৈছে যদিও এই সন্দৰ্ভত এতিয়াও কোনো চূড়ান্ত ঘোষণা হোৱা নাই, কিন্তু আভ্যন্তৰীণ আলোচনা চলি আছে বুলি জানিব পৰা গৈছে। চিপিআইয়ে বিৰোধী মিত্ৰজোঁটৰ নাম পিডিএ বুলি উল্লেখ কৰাৰ কথা উল্লেখ কৰি কংগ্ৰেছৰ উচ্চ সূত্ৰই কয় যে এই নামটো এতিয়াও আলোচনা হোৱা নাই।
কংগ্ৰেছৰ সূত্ৰই পিডিএ নামৰ পৰামৰ্শকো অস্বীকাৰ কৰা নাছিল। অৱশ্যে ইয়াৰ হিন্দী অনুবাদক জটিল বুলি বৰ্ণনা কৰা হৈছিল। চিপিআইৰ মতে, বিৰোধী মিত্ৰজোঁটৰ নাম হ’ব পিডিএ (পেট্ৰিয়াটিক ডেম’ক্ৰেটিক এলায়েন্স)। একে সময়তে ইয়াৰ পূৰ্বে অখিলেশ যাদৱেও এন ডি এৰ তুলনাত পি ডি এ পিছপৰা, দলিত, সংখ্যালঘু মিত্ৰতাৰ শ্লোগান বুলি আখ্যা দিছে। অহা ১২ জুলাইৰ পৰা ১৪ জুলাইলৈ ছিমলাত অনুষ্ঠিত হ’ব বিৰোধী দলৰ পৰৱৰ্তী বৈঠক। এই বৈঠক দুদিনীয়া হ’ব য’ত বহু গুৰুত্বপূৰ্ণ সিদ্ধান্ত লোৱা হ’ব৷
উল্লেখ্য যে শুকুৰবাৰে (২৩ জুনত) পাটনাত লোকসভা নিৰ্বাচনৰ পূৰ্বে বিৰোধী ঐক্য সন্দৰ্ভত এখন বৈঠক অনুষ্ঠিত হয়। এই বৈঠকত কংগ্ৰেছকে ধৰি বহু দলে অংশ লৈছিল। বিৰোধী দলসমূহৰ বৈঠকত কমন মিনিমাম প্ৰগ্ৰেম আৰু ভাৰতীয় জনতা পাৰ্টিৰ বিৰুদ্ধে উমৈহতীয়া মতামত এতিয়াও স্পষ্ট হোৱা নাই।
শুকুৰবাৰে বিৰোধী দলৰ কেইবাটাও ডাঙৰ ৰাজনৈতিক দলৰ নেতাৰ বৈঠকত ২০২৪ চনৰ লোকসভা নিৰ্বাচনত প্ৰধানমন্ত্ৰী নৰেন্দ্ৰ মোদী আৰু বিজেপিক কঠোৰ প্ৰত্যাহ্বান জনাবলৈ শক্তিশালী ফ্ৰণ্ট গঠনৰ কৌশল আলোচনা কৰা হয়। বিহাৰৰ মুখ্যমন্ত্ৰী নীতিশ কুমাৰ আৰু উপ-মুখ্যমন্ত্ৰী তেজস্বী যাদৱে আয়োজন কৰিছিল এই বৈঠক৷ মুখ্যমন্ত্ৰীৰ ১ নং এন্নে মাৰ্গ বাসগৃহত এই বৈঠক অনুষ্ঠিত হয়৷।
এই বৈঠকত কংগ্ৰেছৰ সভাপতি মল্লিকাৰ্জুন খৰ্গে আৰু কংগ্ৰেছ নেতা ৰাহুল গান্ধী, পশ্চিম বংগৰ মুখ্যমন্ত্ৰী মমতা বেনাৰ্জী, দিল্লীৰ মুখ্যমন্ত্ৰী অৰবিন্দ কেজৰিৱাল, ঝাৰখণ্ডৰ মুখ্যমন্ত্ৰী হেমন্ত সোৰেইন, সমাজবাদী পাৰ্টিৰ মুৰব্বী অখিলেশ যাদৱ, শিৱসেনাৰ মুৰব্বী উদ্ধৱ থাকৰে , ৰাষ্ট্ৰীয়তাবাদী কংগ্ৰেছ পাৰ্টিৰ সভাপতি শাৰদ পাৱাৰৰ লগতে আন কেইবাজনো বিৰোধী নেতা উপস্থিত থাকে।
Continue Reading
