ডিজিটেল ডেস্কঃ সৰ্বভাৰতীয় মজলিছ-ই-ইত্তেহাদুল মুছলিমীন (AIMIM)ৰ মুৰব্বী আছাদুদ্দিন ওৱেইছিৰ ওপৰত পুনৰ এবাৰ চৰ্চা চলিছে। মহাৰাষ্ট্ৰৰ বুলধনাত আছাদুদ্দিন ওৱেইছিৰ সমাৱেশত ‘ঔৰংজেব অমৰ’ শ্লোগান দিয়াৰ অভিযোগ উত্থাপন হৈছে। এই সন্দৰ্ভত আৰক্ষীয়ে ইতিমধ্যে তদন্ত আৰম্ভ কৰিছে।
দৰাচলতে শনিবাৰে (২৪ জুন) সন্ধিয়া বুলধনাত সাংসদ ওৱেইছিৰ দল AIMIM ৰ বৈঠক হৈছিল। য’ত আছাদুদ্দিন ওৱেইছিয়ে ভাষণ দি আছিল। সেইবাবেই ঔৰংজেবৰ বাবে শ্লোগান আৰম্ভ হ'ল -"যেতিয়ালৈকে সূৰ্য আৰু চন্দ্ৰ থাকিব, ঔৰংজেব তোমাৰ নাম থাকিব।"
একে সময়তে ঔৰংজেবক লৈ মহাৰাষ্ট্ৰত ৰাজনীতি তীব্ৰতৰ হৈ পৰিছে। মুম্বাইৰ ৰাজপথত শিৱসেনা ইউ বি টিৰ মুৰব্বী তথা প্ৰাক্তন মুখ্যমন্ত্ৰী উদ্ধৱ থাকৰেৰ এনে কিছু হৰ্ডিং ৰখা হৈছিল, য’ত উদ্ধৱ থাকৰে আৰু বঞ্চিত বহুজন আঘাদীৰ মুৰব্বী প্ৰকাশ আম্বেদকাৰৰ সৈতে ঔৰংজেবৰ ছবি দেখা গৈছিল।বাবাচাহেব আম্বেদকাৰৰ নাতি প্ৰকাশ আম্বেদকাৰে সম্ভাজিনগৰ (পূৰ্বৰ ঔৰংগাবাদ)ত থকা ঔৰংজেবৰ সমাধিস্থল পৰিদৰ্শন কৰি মোগল সম্ৰাটক ফুলৰ শ্ৰদ্ধাঞ্জলি জনাই বিতৰ্কৰ সৃষ্টি কৰাৰ সময়তে এই পোষ্টাৰবোৰ চৰ্চালৈ আহিছিল।
Continue Reading
