ডিজিটেল ডেস্কঃ প্ৰৱৰ্তন সঞ্চালকালয়ে (ইডি) এনচিপিৰ অজিত পাৱাৰ গোটৰ নেতা ছগন ভুজবল আৰু তেওঁৰ ভতিজাক সমীৰ ভুজবলৰ বিৰুদ্ধে দাখিল কৰা আবেদন প্ৰত্যাহাৰ কৰিছে। ছগন ভুজবলে কিছুদিন পূৰ্বে শাৰদ পাৱাৰৰ বিৰুদ্ধে বিদ্ৰোহ কৰিছিল।
ইডিয়ে ভুজবলৰ বিৰুদ্ধে ২০১৮ চনত প্ৰদান কৰা আদেশ বাতিল কৰিবলৈও বিচাৰিছে। ইডিয়ে ভুজবল আৰু তেওঁৰ ভতিজাক সমীৰৰ বিৰুদ্ধে কৰা আবেদন প্ৰত্যাহাৰ কৰিছেযদিও ভুজবলৰ পুত্ৰ পংকজ ভুজবলৰ বিৰুদ্ধে আবেদন প্ৰত্যাহাৰ কৰা নাই। ছগন ভুজবল বৰ্তমান মহাৰাষ্ট্ৰৰ বিজেপি-শিৱসেনা-এনচিপি চৰকাৰৰ মন্ত্ৰীসভাৰ অংশ।
চলিত বৰ্ষৰ ছেপ্টেম্বৰ আৰু অক্টোবৰত যেতিয়া ২০১৮ চনত ইডিয়ে দাখিল কৰা আবেদনখনৰ শুনানিৰ বাবে আহিছিল, ইডিয়ে আদালতক কৈছিল যে ই ভুজবল আৰু তেওঁৰ ভতিজাকৰ বিৰুদ্ধে দাখিল কৰা আবেদন প্ত্যাহাৰ কৰিব বিচাৰিছে।
২০২৩ চনৰ ২৯ নৱেম্বৰত ইডিৰ হৈ অধিবক্তা হৰ্ষ ডেধিয়াই উচ্চ ন্যায়ালয়ত উপস্থিত আছিল আৰু আবেদনসমূহ প্ৰত্যাহাৰ কৰিবলৈ তেওঁ আবেদন জনাইছিল। কিন্তু কি কাৰণত ইডিয়ে তেওঁলোকৰ বিৰুদ্ধে দাখিল কৰা আবেদন প্ৰত্যাহাৰ কৰিব বিচাৰিছে সেয়া এতিয়াও স্পষ্ট হোৱা নাই।
Continue Reading
