ডিজিটেল ডেস্কঃ শীঘ্ৰে দক্ষিণৰ এখন ছবিৰ শ্বুটিং আৰম্ভ কৰিবলৈ ওলাইছে ৰণবীৰ কাপুৰে। ডাঙৰ পৰ্দাত ভগৱান ৰামৰ চৰিত্ৰত অভিনয় কৰিব ৰণবীৰ কাপুৰে। দক্ষিণৰ মেগা বাজেট ছবি ৰামায়ণত ৰণবীৰে ৰামৰ চৰিত্ৰত অভিনয় কৰিব। দক্ষিণৰ জনপ্ৰিয় অভিনেত্ৰী ছাই পল্লৱীয়ে ছবিখনত ৰণবীৰ কাপুৰৰ বিপৰীতে অৰ্থাৎ সীতাৰ চৰিত্ৰত অভিনয় কৰিব। নিতেশ তিৱাৰীয়ে পৰিচালনা কৰা ছবিখনৰ শ্বুটিং ২০২৪ চনৰ প্ৰথম তিনিমাহৰ ভিতৰতে আৰম্ভ হ’ব।
বলীউডৰ অভিনেতা ৰণবীৰ কাপুৰে শেহতীয়াকৈ মুক্তি পোৱা ছবি এনিমেলৰ বাবে চৰ্চাত আছে। দক্ষিণৰ চলচ্চিত্ৰ পৰিচালক সন্দীপ ৰেড্ডী ভাংগাৰ সৈতে কাম কৰিছে অভিনেতাগৰাকীয়ে। লগতে দক্ষিণৰ শীৰ্ষ শ্ৰেণীৰ অভিনেত্ৰী ৰশ্মিকা মান্দান্নাৰ সৈতে তেওঁ পৰ্দা শ্বেয়াৰ কৰিছে। ছবিখনে দৰ্শকৰ পৰা যথেষ্ট মৰম লাভ কৰিছে। এই পৰ্যন্ত বিশ্ব বক্স অফিচত এনিমলে উপাৰ্জন কৰিছে ৭০০ কোটি টকা।
ৰামায়ণৰ মুক্তিৰ কথা ক’বলৈ গ’লে ২০২৫ চনৰ শেষৰ ফালে ছবিখনৰ প্ৰথম খণ্ডটো ডাঙৰ পৰ্দাত আহিব, আৰু ই হ’ব এই বছৰৰ আটাইতকৈ ডাঙৰ ভাৰতীয় মুক্তি। হনুমানৰ চৰিত্ৰৰ বাবে ছানী দেওলৰ সৈতে আলোচনাত মিলিত হৈছে প্ৰযোজকগৰাকী। অৱশ্যে অভিনেতাগৰাকীয়ে ছবিখনত অভিনয় কৰিবলৈ এতিয়াও য়েচ বুলি কোৱা নাই। ৰাৱণৰ চৰিত্ৰত অভিনয় কৰিব দক্ষিণৰ জনপ্ৰিয় অভিনেতা যশে। বৰ্তমান ৰামায়ণৰ অন্যান্য প্ৰধান চৰিত্ৰৰ বাবে কাষ্টিং চলি আছে। ৰামায়ণৰ জগতখনৰ ডিজাইন কৰিছে অস্কাৰ বিজয়ী ভিএফএক্স কোম্পানী ডিএনইজিয়ে।
Continue Reading
