টনী ব্লেয়াৰ ক্ৰুৰ ৰাজনীতিক ! ‘নাইট’ উপাধি প্ৰত্যাহাৰৰ দাবী ৬ লক্ষাধিকৰ

ডিজিটেল ডেস্কঃ বিগত সপ্তাহত ৰাণী এলিজাবেথে প্ৰাক্তন প্ৰধানমন্ত্ৰী টনী ব্লেয়াৰক ‘নাইট’ উপাধি প্ৰদান কৰিছিল। ইয়াৰ পাছতে অব্যাহত আছে উত্তেজনাৰ। প্ৰাক্তন ব্ৰিটিছ প্ৰধানমন্ত্ৰী টনী ব্লেয়াৰৰ ‘নাইট’ উপাধি প্ৰত্যাহাৰ কৰিবলৈ প্ৰায় ৬ লক্ষ্যাধিকে ৰাণী দ্বিতীয় এলিজাবেথক আহ্বান জনাইছে। ২০০৩ চনত ইৰাকত ভুৱা তথ্যৰ ওপৰত ভিত্তি কৰি সামৰিক অভিযান চলোৱা বাবে টনী ব্লেয়াৰৰ উচিত বিচাৰৰ দাবী তুলিছে স্বাক্ষৰদাতাসকলে। তেওঁলোকে কয়, ‘ ইৰাকত অবৈধভাৱে চলোৱা সামৰিক অভিযানৰ বাবে আমেৰিকাৰ প্ৰাক্তন ৰাষ্ট্ৰপতি জৰ্জ বুশ্বৰ লগতে টনী ব্লেয়াৰো সমানে দায়ী বুলি দাবী আৱেদনকাৰীৰ।

ব্ৰিটিছ ৰাণী এলিজাবেথে প্ৰাক্তন প্ৰধানমন্ত্ৰী ব্লেয়াৰক দেশৰ সৰ্বোচ্চ সন্মানীয় সন্মান অৰ্থাত্‍ ‘নাইট’ উপাধি প্ৰদান কৰিলেও সহজে মানি লোৱা নাই একাংশই। আবেদনকাৰীসকলে কয় যে, ব্লেয়াৰ বিশ্বৰ আটাইতকৈ ক্ৰুৰ ৰাজনৈতিক ব্যক্তিসকলৰ মাজৰ এজন! ১৯৯৭ চনৰ পৰা ২০০০ চনলৈ তেওঁ শাসনত অধিষ্ঠিত আছিল। তেওঁৰ শাসনকালতে ব্ৰিটিছ সমাজত গভীৰ নেতিবাচক প্ৰতিক্ৰিয়াৰ সৃষ্টি কৰিছে আৰু প্ৰতিটো মুহূৰ্তত ইয়াৰ প্ৰচাৰ আৰু প্ৰসাৰ বৃদ্ধি পাই আহিছে। ইৰাকৰ পৰা উভতি অহা ব্ৰিটিছ সৈন্যৰো একেই মতপোষণ কৰিছে। ‘নাইট’ উপাধি দিয়াৰ আগতে এনে কেতবোৰ স্পৰ্শকাতৰ বিষয়ক লৈ অধিক পৰ্যালোচনাৰ প্ৰয়োজনীয়তা আছে বুলি সদৰী কৰিছে ব্ৰিটিছ সৈন্যই।