পুনৰবাৰ ক’ভিডে গ্ৰাস কৰিব নেকি সমগ্র দেশক?

ডিজিটেল ডেস্কঃ বিগত দুটা বছৰে ক’ভিডে গ্ৰাস কৰিছিল সমগ্র ভাৰতবৰ্ষক। লকডাউন ৰ ফলত সৃষ্টি হোৱা আৰ্থিক মন্দাৱস্থা এতিয়াও দূৰ হোৱা নাই দেশৰপৰা। তেনে এক সময়ত পুনৰবাৰ অৰ্থাৎ ২০২২ বৰ্ষতো বিদায় নহ’ব নেকি ক’ভিড মহামাৰী। এই প্ৰশ্নই ইতিমধ্যে চিন্তিত কৰি তুলিছে একাংশ খাটি খোৱা জনতাক। তেওঁলোকৰ এটাই চিন্তা পুনৰবাৰ লকডাউনৰ দৰে পৰিস্থিতি হ’লে কি কৰিব, কি খাই জীয়াই থাকিব? ইতিমধ্যে সমগ্র দেশতে ক’ভিডৰ নতুন প্ৰকৰণ অমিক্ৰনৰ অৱস্থিতি পোৱা গৈছে।

ক’ভিডৰ নতুন এই প্ৰজাতিৰ গণসংক্ৰমনৰ সংখ্যা বৃদ্ধি পোৱা বাবে বি চি চি আইয়ে স্থগিত ৰাখিছে ৰঞ্জী ট্ৰফীসহ আগশাৰীৰ কেইবাখনো প্ৰতিযোগিতা। উল্লেখ্য যে ১৩ জানুৱাৰীৰ পৰা ১৭ মাৰ্চলৈ অনুষ্ঠিত হোৱাৰ কথা আছিল ৰঞ্জীট্ৰফী। আনহাতে, গুৱাহাটীৰ আইআইটিতো ক’ভিডৰ গ্ৰাস । অৰ্ধ-শতাধিক শিক্ষাৰ্থীৰ দেহত ধৰা পৰিছে ক’ভিডৰ উপস্থিতি। যাৰ বাবে পুনৰবাৰ খাটি খোৱা সাধাৰণ জনতা চিন্তাত পৰিছে।