এটা বান্দৰৰ শেষকৃত্যত উপস্থিত কপিকুল; অশ্ৰুসিক্ত নয়নেৰে দিলে বিদায়

ভাইৰেল ভিডিঅ’টোত স্পষ্টকৈ দেখা গৈছে যে বান্দৰটোক গাঁত খান্দি সমাধিস্থ কৰা হৈছে। তাত বৃহৎ সংখ্যক বান্দৰ উপস্থিত হৈ অন্ত্যেষ্টিক্ৰিয়া চাই আছে।স্থানীয় ৰাইজে জনোৱা মতে, শেষকৃত্যৰ সমগ্ৰ প্ৰক্ৰিয়া সম্পূৰ্ণ হোৱাৰ পাছত বান্দৰবোৰে সেই ঠাই এৰি থৈ যায়। তেওঁলোকৰ সংগীৰ পৰা বিচ্ছেদৰ দুখ বান্দৰসমূহৰ মুখত স্পষ্টকৈ দেখা যায়৷ এই দৃশ্য দেখি সেই স্থানত উপস্থিত থকা লোকসকল আৱেগিক হৈ পৰে;তেওঁলোকে কয় যে তেওঁলোকে প্ৰথমবাৰৰ বাবে জীৱ-জন্তুৰ মাজত এনে মৰম দেখিছে। এই সময়ছোৱাত বান্দৰবোৰে কোনো ধৰণৰ উৎপাত কৰা নাছিল আৰু কোনো ধৰণৰ শব্দও কৰা নাছিল। সংগীৰ পৰা বিচ্ছেদৰ দুখ স্পষ্টকৈ দেখা গ’ল। তদুপৰি শেহতীয়াকৈ ইউ পিৰ আমৰোহৰ এটা ভিডিঅ’ ভাইৰেল হৈছিল। য’ত এজন বৃদ্ধৰ কফিনত আঁকোৱালি এটা বান্দৰে কান্দি আছিল।