ডিজিটেল ডেস্ক: ছ’চিয়েল মিডিয়াত ক্ৰমাৎ ভাইৰেল হৈ পৰিছে এটা ভিডিঅ’, য’ত একাংশ লোকে এটা কুকুৰক ফাঁচী দি হত্যা কৰা দেখা গৈছে। হয়, উত্তৰ প্ৰদেশৰ গাজিয়াবাদত এটা কুকুৰৰ ওপৰত নিষ্ঠুৰতাৰ এক চাঞ্চল্যকৰ ভিডিঅ’ পোহৰলৈ আহিছে। এই ঘটনা সংঘটিত হৈছে গাজিয়াবাদৰ টনিকা চিটি থানা এলেকাত। ছ’চিয়েল মিডিয়াত ভাইৰেল হৈ পৰিছে হৃদয়বিদাৰক ভিডিঅ’। অৱশ্যে ভাইৰেল ভিডিঅ’টো কিমান পুৰণি সেয়া এতিয়াও নিশ্চিত হোৱা নাই। এই সন্দৰ্ভত আৰক্ষীয়ে তদন্ত আৰম্ভ কৰিছে।
ভাইৰেল ভিডিঅ’টোত স্পষ্টকৈ দেখা গৈছে কুকুৰ এটাৰ ডিঙিত ফাঁচী লগাই হত্যা কৰিছে। ইয়াৰ পাছত কুকুৰটোৰ ডিঙিত ফান্দ বান্ধি দুয়োফালৰ পৰা টানি লৈছে। ভিডিঅ’টোত দেখা গৈছে যে কুকুৰটোক ফাঁচী দি বেদনাদায়ক মৃত্যু দিয়া হৈছিল।
অৱশ্যে ভাইৰেল ভিডিঅ’টো সন্দৰ্ভত ছ’চিয়েল মিডিয়াত বিভিন্ন ধৰণৰ মন্তব্য আৰু আলোচনা চলি আছে। কিছুমান মানুহে জীৱ-জন্তুৰ লগত অমানৱীয় আচৰণ বাবে ক্ষোভ উজাৰিছে। আকৌ কিছুমানে কৈছে যে কুকুৰটোৱে হয়তো কাৰোবাক বেয়াকৈ কামুৰিছিল, সেয়ে হয়তো এনে কাৰ্য কৰিছিল। কুকুৰে কামোৰাৰ ঘটনাবোৰ চৰ্চালৈ অহাৰ পাছতো মানুহৰ বিভিন্ন প্ৰতিক্ৰিয়াও চৰ্চালৈ আহিছে।
এই সন্দৰ্ভত যেতিয়া ছ’চিয়েল মিডিয়াত গাজিয়াবাদ আৰক্ষীক তথ্য দিয়া হৈছিল, তেতিয়া গাজিয়াবাদ আৰক্ষীয়ে ট্ৰ’নিকা চহৰৰ ভাৰপ্ৰাপ্ত বিষয়াৰ পৰা তদন্ত বিচাৰিছে। অৱশ্যে তদন্ত চলি থকা ভাইৰেল ভিডিঅ’টো কিমান পুৰণি সেয়া বৰ্তমান পৰ্যন্ত জনা হোৱা নায় ।
তাৎপৰ্যপূৰ্ণভাৱে শেহতীয়াকৈ নয়ডা-গাজিয়াবাদত কুকুৰে কামোৰাৰ বহু ঘটনা পোহৰলৈ আহিছে। ইয়াৰ পাছত মানুহে অঘৰী কুকুৰক লৈও ক্ষোভ প্ৰকাশ কৰিছিল।
Continue Reading
