ডিজিটেল ডেস্কঃ ক্ৰোৱেছিয়াৰ বিৰুদ্ধে কাটাৰ বিশ্বকাপত চেমিফাইনেলত অনবদ্য প্ৰদৰ্শন আগবঢ়ালে লিঅ’নেল মেছিয়ে। ফুটবলপ্ৰেমীসকলৰ বাৰ্তা দিলে যে তেওঁৱেই লিঅ’নেল মেছি, তেওঁৰ বাদে আন কোনো নাই। মেচখনত কেইবাটাও অভিলেখো গঢ়ে মেছিয়ে। অভিলেখ গঢ়ি বিশ্বকাপৰ ফাইনেলত উপনীত হ’ল মহাতাৰকাগৰাকী।
বিশ্বকাপত আৰ্জেণ্টিনাৰ হৈ আটাইতকৈ বেছি গ’ল কৰিছিল গেব্ৰিয়েল বাতিস্তুতাই। বাতিস্তুতাৰ নাম আছিল ১০ টা গ’ল। কিন্তু এই অভিলেখ ভংগ কৰে মেছিয়ে। পাঁচখন বিশ্বকাপত মুঠ ১১ টা গ’ল কৰিছে মেছিয়ে। চলিত বিশ্বকাপতে কৰিছে পাঁচটাকৈ গ’ল।
বিশ্বকাপত বেছিসংখ্যক মেচ খেলাৰ অভিলেখ গঢ়িছিল জাৰ্মানীৰ লোথাৰ মাথাউছে। ক্ৰ’ৱেছিয়াৰ বিৰুদ্ধে খেলপথাৰত অৱতীৰ্ণ হৈ এই অভিলেখ স্পৰ্শ কৰিলে মেছিয়ে। বিশ্বকাপৰ ফাইনেলত মাথাউছৰ অভিলেখ ভংগ কৰিব তাৰকাগৰাকীয়ে।
অধিনায়ক হিচাপেও বিশ্বকাপত সৰ্বাধিক মেচ খেলাৰ অভিলেখ গঢ়িলে মেছিয়ে। অধিনায়ক হিচাপে ১৯ খন মেছ খেলিছে তেওঁ। ভংগ কৰে মেক্সিকোৰ ৰাফায়েল মাৰ্কুৱেজে গঢ়া অভিলেখ।
বিশ্বকাপত এছিষ্ট দিয়াৰ ক্ষেত্ৰতো মেছিয়ে স্পৰ্শ কৰে পেলেক। দুয়োজন খেলুৱৈয়ে নকআউট পৰ্যায়ত ছটাকৈ এছিষ্ট কৰিছে। তদুপৰি বিশ্বকাপৰ ফাইনেলত যদি মেছিয়ে গ’ল কৰে, তেন্তে পেলেই কৰা ১২ টা গ’ল স্পৰ্শ কৰিব আৰ্জেণ্টাইন তাৰকাগৰাকীয়ে।
Continue Reading
