উত্তৰ প্ৰদেশৰ মহম্মদ আৰিফ আৰু সাৰসৰ বন্ধুত্বৰ কাহিনীৰ কিছু সপ্তাহ ধৰি চৰ্চা চলি আছে। কিন্তু উত্তৰ প্ৰদেশৰ বন বিভাগে আৰিফ আৰু সাৰসক পৃথক কৰিছে৷ কানপুৰ চিৰিয়াখানাত এটা পিঞ্জৰাত বন্দী কৰি ৰাখিছিল চৰাইটোক।যেতিয়া আৰিফে বন্ধু সাৰসক লগ কৰিবলৈ গ’ল তেতিয়া চৰাইট

Listen to Article

2 min read

80%

ডিজিটেল ডেস্কঃ উত্তৰ প্ৰদেশৰ মহম্মদ আৰিফ আৰু সাৰসৰ বন্ধুত্বৰ কাহিনীৰ কিছু সপ্তাহ ধৰি চৰ্চা চলি আছে। কিন্তু উত্তৰ প্ৰদেশৰ বন বিভাগে আৰিফ আৰু সাৰসক পৃথক কৰিছে৷ কানপুৰ চিৰিয়াখানাত এটা পিঞ্জৰাত বন্দী কৰি ৰাখিছিল চৰাইটোক।যেতিয়া আৰিফে বন্ধু সাৰসক লগ কৰিবলৈ গ’ল তেতিয়া চৰাইটোক লগ পোৱাৰ ভিডিঅ’টো ছ’চিয়েল মিডিয়াত ভাইৰেল হৈ পৰিল।

শেহতীয়াকৈ বৰুণ গান্ধীয়ে এই ভিডিঅ’টো টুইট কৰি লিখিছে, “সাৰস আৰু আৰিফৰ কাহিনী বিশেষ! সন্মুখত ইজনে সিজনক দেখা পাই এই দুয়ো বন্ধুৰ সুখে ক’ব ধৰিছে যে তেওঁলোকৰ প্ৰেম কিমান নিৰ্মল। এই ধুনীয়া জীৱটোক মুক্ত আকাশত উৰিবলৈ বনোৱা হৈছে, পিঞ্জৰাত থাকিবলৈ নহয়। তেওঁৰ আকাশ, স্বাধীনতা আৰু বন্ধুক ঘূৰাই দিয়ক।"

ভাইৰেল ভিডিঅ’টোত দেখা গৈছে যে আৰিফক দেখা পাই সাৰসটো অস্থিৰ হৈ পৰে। আৰিফৰ নিৰ্দেশত চৰাইটোৱে উৰা মৰাও ভিডিঅ’টোত দেখিবলৈ পোৱা গৈছে। তাৰ মানৱ বন্ধুক দেখি বাকহীন চৰাইটোৱে হুমুনিয়াহ কাঢ়ি সকলোকে দুখী কৰি তুলিলে।

তাৎপৰ্যপূৰ্ণভাৱে আমেথিৰ বাসিন্দা আৰিফে কিছুদিনৰ আগতে আঘাতপ্ৰাপ্ত চৰাইটোৰ চিকিৎসা কৰিছিল। তেতিয়াৰ পৰা সি আৰিফক এৰি যোৱা নাছিল। একেলগে খোৱা-বোৱা খোৱাৰ পৰা বহু ছবি আৰু ভিডিঅ’ ভাইৰেল হৈ পৰিল। এতিয়া বন বিভাগৰ নীতি-নিয়ম অনুসৰি সাৰস আৰু আৰিফ ইজনে সিজনৰ পৰা আঁতৰি গৈছে৷