ডিজিটেল ডেস্কঃ এতিয়াও অশান্তি কমা নাই মণিপুৰত! ৰাজ্যখনত পুনৰ হিংসাত্মক ঘটনাৰ খবৰ পোৱা গৈছে৷ এই খবৰ পোৱা গৈছে চুৰাচান্দপুৰ জিলাৰ পৰা৷
জিলাখনৰ কংভাই নামৰ অঞ্চলটোৰ মলংগাট গাঁৱত এই ঘটনা সংঘটিত হৈছে৷ বাতৰি অনুসৰি, দুটা সম্প্ৰদায়ৰ মাজত সংঘৰ্ষ সংঘটিত হয়৷ তদুপৰি দুৰ্বৃত্তই মুকলিকৈ গুলী চলায়৷
আজি পুৱা প্ৰায় ৮ বজাত এই হিংসাত্মক পৰিস্থিতিৰ সৃষ্টি হোৱা বুলি জানিব পৰা গৈছে। অঞ্চলটোত অগ্নিসংযোগৰ ঘটনাও সংঘটিত হোৱা বুলি জানিব পৰা গৈছে৷ পৰিস্থিতি নিয়ন্ত্ৰণ কৰিবলৈ নিৰাপত্তা বাহিনী ঘটনাস্থলীত উপস্থিত হয়।
উল্লেখ্য যে যোৱা সপ্তাহত ৰাজ্যখনত মেইটেইসকলে জনজাতীয় মৰ্যাদা বিচৰা দাবীৰ বিৰুদ্ধে খিলঞ্জীয়া জনগোষ্ঠীসমূহে বিশেষকৈ কুকিসকলে প্ৰতিবাদ সাব্যস্ত কৰাৰ পিছত মণিপুৰত ব্যাপক হিংসাত্মক পৰিস্থিতিৰ সৃষ্টি হৈছিল।
মণিপুৰত সংঘটিত ব্যাপক হিংসাৰ ফলত কমেও ৬০ জন লোক নিহত হোৱাৰ লগতে ৩০ হাজাৰৰো অধিক লোক গৃহহীন হৈ পৰে।
Continue Reading
