ডিজিটেল ডেস্কঃ তেলেংগানাত সংঘটিত হৈছে এটা মৰ্মান্তিক ঘটনা৷ ৮ গৰাকীকৈ স্কুলীয়া শিক্ষাৰ্থীয়ে ধাৰাবাহিক আত্মহত্যা কৰিছে৷ এই ঘটনাই জোকাৰি গৈছে সমগ্ৰ তেলেংগনা ৰাজ্য।
উল্লেখ্য যে দুদিন পূৰ্বে ৰাজ্যখনত একাদশ আৰু দ্বাদশ শ্ৰেণীৰ পৰীক্ষাৰ ফলাফল ঘোষণা কৰা হৈছিল৷ তাৰ পিছতে ছাত্ৰ-ছাত্ৰীকেইজনে আত্মহত্যা কৰিছে৷
ৰাজ্যখনত চাৰিগৰাকী ছাত্ৰীসহ মুঠ ৮ গৰাকী শিক্ষাৰ্থীয়ে আত্মহত্যা কৰাৰ বিপৰীতে মঙলবাৰে আন দুগৰাকী ছাত্ৰীয়ে আত্মহত্যাৰ চেষ্টা চলাইছে।
আত্মহত্যা কৰা ৮ গৰাকী শিক্ষাৰ্থীৰ ভিতৰত ৫ গৰাকী ৰাজ্যৰ ৰাজধানী হায়দৰাবাদৰ আৰু বাকীকেইগৰাকী নিজামবাদ, ৱানাপাৰ্থী আৰু জগটিয়ালৰ। আনহাতে আত্মহত্যাৰ চেষ্টা চলোৱা ছাত্ৰী দুগৰাকী ছাংগাৰেডী আৰু ৱানাপাৰ্থীৰ।
উল্লেখ্য যে দুসপ্তাহ আগতেও অন্ধ্ৰ প্ৰদেশত একাদশ আৰু দ্বাদশ শ্ৰেণীৰ পৰীক্ষাৰ ফলাফল ঘোষণাৰ ৪৮ ঘণ্টাৰ ভিতৰতে ৯ গৰাকী ছাত্ৰ-ছাত্ৰীয়ে আত্মহত্যাৰ পথ বাছি লৈছিল।
ইয়ালৈ লক্ষ্য ৰাখি চৰকাৰে আত্মহত্যা ৰোধ কৰিবলৈ একাধিক ব্যৱস্থা গ্ৰহণ কৰিছে। ছাত্ৰ-ছাত্ৰীসকলক মানসিক চাপ আৰু উদ্বেগ দূৰ কৰাত সহায় কৰিবলৈ ২৪ ঘণ্টাই কাম কৰা এটা কোষ তৈয়াৰ কৰিছে তেলেংগনাৰ চৰকাৰে। ইয়াৰ উপৰিও ছাত্ৰ-ছাত্ৰীসকলক পৰামৰ্শ দিবলৈ টোল ফ্ৰী হেল্পলাইন (১৪৪১৬)ও আছে।
তাৰপাছতো এই ঘটনা সংঘটিত হোৱাত সচেতন মহলে তীব্ৰ প্ৰতিক্ৰিয়া প্ৰকাশ কৰিছে৷
Continue Reading
