ডিজিটেল ডেস্কঃ ভাৰতীয় সেনাই নতুন কম্বেট ইউনিফৰ্মৰ বাবে কেমফ্লেজ পেটাৰ্ণ ড্ৰেছৰ বৌদ্ধিক( intellectual ) সম্পত্তিৰ অধিকাৰ লাভ কৰিছে। ২০২২ চনৰ সেনা দিৱসৰ সময়ত এই সুন্দৰ কম্বেট ইউনিফৰ্ম উন্মোচন কৰে সেনা প্ৰধানে। এই ডিজাইনৰ কপিৰাইট ১০ বছৰৰ বাবে ভাৰতীয় সেনাৰ হাতত। এতিয়া আৰু পাঁচ বছৰলৈ বৃদ্ধি হ’বলৈ গৈ আছে। এতিয়া এই সেনাৰ পোছাক ব্যৱসায়ীসকলে মুকলি বজাৰত বিক্ৰী কৰিব নোৱাৰিব।
সাধাৰণ বজাৰত সেনাবাহিনীৰ পোছাক মুকলিকৈ বিক্ৰী কৰাটোৱে সদায় জোৱানসকলৰ বাবে বৃহৎ বিপদৰ সৃষ্টি কৰি আহিছে। কাশ্মীৰ আৰু অন্যান্য সীমান্ত অঞ্চলত সেনাৰ অন্যতম ডাঙৰ প্ৰত্যাহ্বান হৈছে এনে ইউনিফৰ্মৰ সহজ বিক্ৰী। ই দেশৰ বাবে ভয়াৱহ ভাবুকি কঢ়িয়াই আনিছিল।
আগতে সন্ত্ৰাসবাদী আৰু অপৰাধীয়ে সহজেই সেনাৰ পোছাক কিনি পিন্ধিছিল আৰু সাধাৰণ নাগৰিকৰ বাবে সমস্যাৰ সৃষ্টি কৰিছিল। কাশ্মীৰৰ সন্ত্ৰাসবাদীয়ে এই সূত্ৰৰ ওপৰত কাম কৰি আহিছে। সন্ত্ৰাসবাদীয়ে সেনাৰ সাজ-পোছাকত ভুল কাম কৰি সেনাক বদনাম কৰিবলৈ চেষ্টা কৰিছে। এতিয়া এইটো বন্ধ কৰিবলৈ গৈ আছে।
এতিয়া সেনাৰ কম্বেট ইউনিফৰ্ম কেৱল ভাৰতীয় সেনাৰ ইউনিট চলোৱা কেণ্টিনতহে বিক্ৰী হ’ব। এই বৌদ্ধিক সম্পত্তিৰ অধিকাৰ (আই পি এল)ৰ বাবেই এতিয়া ভাৰতীয় সেনাৰ ডিজাইনৰ একচেটিয়া অধিকাৰ আছে। সেনাৰ ডিজাইন আৰু উৎপাদনৰ যিকোনো উলংঘা চৰ্চালৈ অহাৰ পাছত আইনী ব্যৱস্থা গ্ৰহণ কৰিব পাৰি। এই কথা ঘোষণা কৰিছে সেনাবাহিনীৰ কমাণ্ডে।
সেনা আৰু অন্যান্য বিষয়াসকলে নিজ নিজ অঞ্চলৰ বিক্ৰেতাসকলক অৱগত কৰিছে যে তেওঁলোকে সেনাৰ সৈতে জড়িত কোনো ধৰণৰ ইউনিফৰ্ম বিক্ৰী কৰিব নালাগে। যদি এনেকুৱা হয় তেন্তে তেওঁলোকৰ বিৰুদ্ধে আইনী ব্যৱস্থা গ্ৰহণ কৰিব পাৰি।
Continue Reading
