ডিজিটেল ডেস্কঃ প্ৰকাশ পালে গুজৰাট নিৰ্বাচনৰ বহুপ্ৰত্যাশিত এক্জিট প’ল (EXIT POLL)। দেশৰ আগশাৰীৰ নিউজ চেনেলসমূহে প্ৰকাশ কৰা এই এক্জিট
প’লত বিজেপিকে আগস্থানত দিয়া দিখা গৈছে।
ৰিপাব্লিক টিভিৰ সমীক্ষাত বিজেপিয়ে লাভ কৰিছে ১২৮ক পৰা ১৪৮খনকৈ
আসন। কংগ্ৰেছে লাভ কৰিছে ৩০ৰ পৰা ৪২খন আসন।
আনহাতে নিৰ্বাচনটোত ব্যাপক জনসমৰ্থন লাভ কৰা বুলি দাবী কৰি অহা আম আদমী পাৰ্টিক
দিছে মাত্ৰ ১০ খন আসন।
এনডিটিভৰ (NDTV)ৰ সমীক্ষাত বিজেপিক দিয়া
হৈছে ১২৮খন আসন। কংগ্ৰেছক দিয়া হৈছে ৪৪খন আসন। আম আদমী
পাৰ্টীক দিয়া হৈছে ৭খন আসন।
টিভি নাইন (TV9)-ৰ সমীক্ষাত বিজেপিয়ে লাভ কৰিছে ১২৫ৰ পৰা ১৩০ খন আসন। কংগ্ৰেছে লাভ
কৰিছে ৪০ৰ পৰা ৫০খন আসন। আনহাতে আম আদমী পাৰ্টিয়ে লাভ কৰিছে ৩ৰ পৰা ৭ খন আসন।
‘জন কী বাত’ৰ সমীক্ষাত
বিজেপিয়ে লাভ কৰিছে ১১৭ৰ পৰা ১৪০খন আসন। কংগ্ৰেছে লাভ কৰিছে ৩৪ৰ পৰা ৫১ খন আসন। আম
আদমী পাৰ্টিয়ে লাভ কৰিছে ৬ৰ পৰা ১৩খন আসন।
উল্লেখ্য যে ১৮২ আসন থকা
গুজৰাটত চৰকাৰ গঠনৰ বাবে লাগে ৯২খন আসন। দীৰ্ঘদিন ধৰি বিজেপি ক্ষমতাত থকা ৰাজ্যখনত চৰকাৰ গঠনৰ
বাবে আম আদমী পাৰ্টিয়ে ব্যাপক ৰাজনৈতিক প্ৰচাৰ কাৰ্য চলাইছিল। কিন্তু আপৰ এই
উত্থানক প্ৰতিহত কৰি শেহতীয়া এক্জিট প’লসমূহত বিজেপিয়ে আগস্থান লাভ কৰাটো ব্যাপক
তাৎপৰ্য বহন কৰিছে।
Continue Reading
