এয়াৰ ইণ্ডিয়া ক্ৰয় কৰি টাটাই লোকচানৰহে মুখ দেখিব নেকি ?

ডিজিটেল ডেস্কঃ এয়াৰ ইণ্ডিয়া ৰ সৈতে টাটা গ্ৰুপৰ আছে তেজৰ সম্পৰ্ক। ৬৮ বছৰ পূৰ্বে ১৯৩২ চনত জেআৰডি টাটা (JRD Tata) ই প্ৰতিষ্ঠা কৰিছিল এয়াৰ ইণ্ডিয়া। জেআৰডি টাটাই নিজে পাইলট হিচাপে এয়াৰ ইণ্ডিয়াৰ প্ৰথমখন বিমানৰ উৰণ আৰম্ভ কৰিছিল।  ১৯৫৩ চনত এয়াৰ ইণ্ডিয়াক ৰাষ্ট্ৰীয়কৰণ কৰা হৈছিল। অৱশেষত টাটাই প্ৰতিষ্ঠা কৰা এয়াৰ ইণ্ডিয়াক ১৮০০০ কোটি টকাৰ বিনিময়ত টাটা কোম্পানীয়েই ক্ৰয় কৰিলে ইয়াৰ লগে-লগে আনুষ্ঠানিকভাৱে এয়াৰ ইণ্ডিয়া টাটা গ্ৰুপৰ অধীনলৈ যায়। এয়াৰ ইণ্ডিয়া টাটা গ্ৰুপলৈ হস্তান্তৰ হোৱাৰ পাছতে এতিয়া টাটাই লোকচানৰ মুখ দেখিব বুলি দেশৰ বিজ্ঞমহলে দাবী কৰিছে। এয়াৰ ইণ্ডিয়াই যোৱা ১৫ বছৰ ধৰি নিৰন্তৰভাৱে লোকচানৰ সন্মুখীন হৈ আহিছে। কোম্পানীটোৰ সামগ্ৰিকভাৱে এতিয়ালৈ প্ৰায় ৮০,০০০ কোটি টকাৰ লোকচানৰ সন্মুখীন হৈছে আৰু দৈনিক লোকচানৰ পৰিমাণ প্ৰায় ২০ কোটি টকা। চৰকাৰৰ অদূৰদৰ্শী নীতিৰ বাবেই এয়াৰ ইণ্ডিয়াই ভৰিবলগীয়া হৈছিল লোকচানৰ উপৰি লোকচান। ধাৰৰ বোজাত পোত গৈছিল এয়াৰ ইণ্ডিয়া। এনে সময়তে বিমান পৰিবহন সংস্থাটো পুনৰ ইয়াৰ জন্মদাতাৰ কাষলৈ উভতি আহিছে। শেহতীয়াকৈ চৰকাৰৰ হাতৰ পৰা পুনৰ টাটাই এয়াৰ ইণ্ডিয়াক নিজৰ হাতলৈ নিছে। পৰিসংখ্যা দিশলৈ চালে গম পোৱা য়ায যে এয়াৰলাইনটো এনে এক বিপৰ্যয়লৈ গতি কৰিছে যৰ পৰা ইয়াৰ পৰা ওলাই অহাটো প্ৰায় অসম্ভৱ। ইয়াৰ বিপৰীতে এয়াৰ ইণ্ডিয়াৰ ব্যক্তিগতকৰণ কৰাত চৰকাৰে যেন যথেষ্ট সকাহ লাভ কৰিছে, কিয়নো এয়াৰ ইণ্ডিয়াক লৈ চৰকাৰে কেৱল ঋণতে পুত গৈ আছিল। সময়তহে লক্ষণীয় হব এয়াৰ ইণ্ডিয়াক লৈ টাটাই লাভৰে সন্মুখীন হয় নে লোকচানৰ ?