ডিজিটেল ডেস্কঃ এটা চুমাৰ কথাই এতিয়া সমগ্ৰ আমেৰিকাৰ লগতে বিশ্বৰ চুকে-কোণে ঘূৰি ফুৰিছে৷ জো বিডেনৰ পত্নী আৰু মাৰ্কিন ফাৰ্ষ লেডী জিলে সকলোৰে সন্মুখতে উপ- ৰাষ্ট্ৰপতি কমলা হেৰিছৰ স্বামীৰ ওঁঠত চুমা খালে! এই মুহূৰ্তটোৰ ভিডিঅ' সামাজিক মাধ্যমত ভাইৰেল হৈ পৰিছে।
আমেৰিকা যুক্তৰাষ্ট্ৰৰ উপ- ৰাষ্ট্ৰপতি কমলা হেৰিছৰ স্বামী ডগলাছ এমহফে কেপিটলত বিডেনৰ পত্নী জিল বিডেনক সাক্ষাৎ কৰিবলৈ গৈছিল। ভাষণ আৰম্ভ হোৱাৰ আগতে, তেওঁলোকে ইজনে সিজনৰ সৈতে এক সৌজন্য মূলক ভাবে কা পাতিছিল৷ভাইৰেল হোৱা ভিডিঅ'টোত, তেওঁলোকক প্ৰথমে ইজনে সিজনক আলিঙ্গন কৰা দেখা গৈছে। পিছত জিলে ডগলাছক ওঁঠত চুম্বন কৰে৷
পাশ্চাত্য সংস্কৃতিত, চুম্বনৰ সৈতে সৌজন্য প্ৰদৰ্শন কৰাটো এটা পুৰণি নিয়ম। সাধাৰণতে যেতিয়া এগৰাকী মহিলা আৰু পুৰুষ লগ হয়, হাত বা গালত চুম্বন কৰা হয়। কিন্তু এই ক্ষেত্ৰত, জিলে ডগলাছৰ ওঁঠতে চুমা খালে। বহুতে সুধিছে জিল বিডেনে কমলা হেৰিছৰ স্বামীৰ ওঁঠত কিয় চুমা খালে? কিছুমানে কৈছে যে তেোঁলোকে এনে কাৰ্য জো বিডেনৰ পত্নীৰ পৰা আশা কৰা নাছিল।
Continue Reading
