ডিজিটেল ডেস্কঃ বিশ্বকাপ বিজয়ৰ উপৰিও লিঅ’নেল মেছিয়ে পৰাস্ত কৰিবলৈ সক্ষম হয় এটা কণী! কিন্তু এই বিশেষ কণী? কিহৰ বাবে বিখ্যাত এই কণীটো?
বিশ্বকাপ বিজয়ৰ পাছতে মেছিয়ে ইনষ্টাগ্ৰামত ট্ৰফীসহ এখন ফটো শ্বেয়াৰ কৰে। তাৰপাছতে জুই লাগে সামাজিক মাধ্যমটোত। মুহূৰ্ততে মেছিৰ প’ষ্টটো ভাইৰেল হৈ পৰে। এতিয়ালৈকে মুঠ ৬৪ মিলিয়ন লাইকছ পাবলৈ সক্ষম হৈছে মেছিৰ প’ষ্টটোৱে।
ইনষ্টাগ্ৰামত ইমানসংখ্যক লাইকছ পোৱাৰ ক্ষেত্ৰত অভিলেখ গঢ়িলে আৰ্জেণ্টাইন তাৰকাগৰাকীয়ে। ইয়াৰ আগলৈতে এই অভিলেখৰ গৰাকী আছিল এটা কণী।
''ৱৰ্লড ৰেকৰ্ড এগ’’ (world record egg) নামৰ পেজটোত থকা কণীটোৱে লাভ কৰিছিল ৫৭ মিলিয়ন লাইকছ। কণীটোৰ ফটোখনৰ তলত কেপচন হিচাপে লিখা আছিল- ''আহক আমি এটা বিশ্ব অভিলেখৰ সৃষ্টি কৰো আৰু ইনষ্টাগ্ৰামত সৰ্বাধিক সংখ্যক লাইকছ লাভ কৰো।’’
২০১৯ চনত এই কণীটোৱে এই অভিলেখৰ গৰাকী হয়। ইয়াৰ পূৰ্বে জনপ্ৰিয় মডেল কাইলী জেনাৰে ১৯ মিলিয়ন লাইকছেৰে শীৰ্ষত আছিল।
Continue Reading
