ডিজিটেল ডেস্কঃ ফ্ৰান্সত গুলি কৰি হত্যা কৰা হ’ল এজন ফুটবলাৰক। দেশখনৰ মাৰ্চেই নামৰ চহৰখনত সংঘটিত হৈছে এই শোকাৱহ ঘটনাটো। ২২ বছৰীয়া ফুটবলাৰজনৰ নাম আদেল সান্তানা মেণ্ডি নামেৰে জনা গৈছে।
উল্লেখ্য যে বিশ্বকাপ ফাইনেলত ফ্ৰান্স পৰাজীত হোৱাৰ পাছতে উত্তেজিত হৈ আছে দেশখন। ফাইনেল শেষ হোৱা এসপ্তাহ হৈ যোৱাৰ পাছতে এই উত্তেজনা সাম কটা নাই। এই উত্তেজনাময় পৰিস্থিতিৰে বলি হ’ল ফুটবলাৰ আদেল।
যোৱা জুন মাহত ফ্ৰান্সৰ ঘৰুৱা লীগৰ চতুৰ্থ ডিভিজনৰ ক্লাব ওবানিয়াত যোগ দিছিল আদেলে। কিয় তেওঁক গুলিয়াই হত্যা কৰা হ’ল সেই বিষয়ে আৰক্ষীয়ে একো জনোৱা নাই। ইতিমধ্যে ফুটবলাৰজনৰ মৃত্যুক লৈ তদন্ত আৰম্ভ হৈছে।
কৃষ্ণাং ফুটবলাৰগৰাকীৰ জন্ম ফ্ৰান্সত হ’লেও আদেলৰ পিতৃমাতৃ চেনেগালৰ। ফ্ৰান্সৰ মাৰ্চেই যুৱ একাডেমিৰ পৰা ফুটবলৰ শিক্ষা লাভ কৰা তৰুণ ফুটবলাৰগৰাকীয়ে কেইবাটাও ক্লাবত নিজৰ প্ৰতিভা প্ৰদৰ্শন কৰিছিল।
আনহাতে, আদেলৰ মৃত্যুক সহজভাৱে ল’ব পৰা নাই তেওঁৰ ক্লাব ওবানিয়াই। সামাজিক মাধ্যমত ক্লাবটোৱে লিখিছে- ''বিৰাট এটা শূণ্যস্থান সৃষ্টি হ’ল। আদেল সদায়েই আমাৰ মাজত থাকিব। তেওঁৰ পৰিয়ালক সমবেদনা জনাইছো।
Continue Reading
