ডিজিটেল ডেস্কঃ ভাৰতত ১২২ বছৰৰ ভিতৰত আটাইতকৈ উষ্ণ ফেব্ৰুৱাৰী মাহ চলিত বছৰত পোৱা গ’ল। ভাৰতৰ বতৰ বিজ্ঞান কাৰ্যালয়ৰ এক প্ৰতিবেদন অনুসৰি ১৯০১ চনৰ পৰা ফেব্ৰুৱাৰী মাহৰ উষ্ণতা ইমান বৃদ্ধি কেতিয়াও দেখা পোৱা নাই।
এক প্ৰেছ বিজ্ঞপ্তিযোগে বতৰ বিজ্ঞান কেন্দ্ৰই প্ৰকাশ কৰিছে যে ফেব্ৰুৱাৰী মাহত উত্তৰ ভাৰত, উত্তৰ-পশ্চিম ভাৰত আৰু মধ্য ভাৰতৰ কেইবাটাও স্থানত উষ্ণতা স্বাভাৱিকতকৈ বহু বেছি আছিল। ক’ব পাৰি যে ফেব্ৰুৱাৰী মাহৰ এনে বতৰে ভয়ংকৰ গৰমৰ আগমনৰ ইংগিত দিয়ে।
বতৰ বিজ্ঞান বিভাগে কয় যে মাৰ্চৰ পৰা মে’ মাহৰ ভিতৰত উত্তৰ-পূব ভাৰত, পূব আৰু মধ্য ভাৰত আৰু উত্তৰ-পশ্চিম ভাৰতৰ কিছু অংশত স্বাভাৱিক সৰ্বোচ্চ উষ্ণতাৰ সম্ভাৱনা অধিক। লগতে আগন্তুক তিনিমাহত মধ্য আৰু চুবুৰীয়া উত্তৰ-পশ্চিম ভাৰতৰ বহু ঠাইত গৰমৰ ঢৌৰ সম্ভাৱনাও নুই কৰিব নোৱাৰি।
সমগ্ৰ দেশতে গড় বৰষুণ স্বাভাৱিক হোৱাৰ সম্ভাৱনা বেছি। উত্তৰ-পশ্চিম ভাৰত, পশ্চিম মধ্য ভাৰত আৰু পূব আৰু উত্তৰ-পূব ভাৰতৰ কিছু অংশত স্বাভাৱিকতকৈ কম বৰষুণৰ সম্ভাৱনা আছে। উপকূলীয় ভাৰতৰ অধিকাংশ অঞ্চল, পূব-মধ্য ভাৰত আৰু উত্তৰ-পূব ভাৰতৰ কিছু বিচ্ছিন্ন স্থানত স্বাভাৱিকতকৈ অধিক বৰষুণৰ সম্ভাৱনা আছে।
Continue Reading
