ডিজিটেল ডেস্কঃ ৫৭ বছৰীয়া খৰাং ভাঙিব নোৱাৰিলে ইংলেণ্ডে। ফিফাৰ ৰেংকিঙৰ পৰা অভিজ্ঞতালৈকে স্পেইনতকৈ আগবাঢ়ি থাকিলেও খেলপথাৰত বিজয় সাব্যষ্ট কৰিব নোৱাৰিলে ইংলিছ বাহিনীয়ে৷ অষ্ট্ৰেলিয়াত অনুষ্ঠিত হোৱা ফিফা মহিলা বিশ্বকাপৰ বিজয়ী হ’ল স্পেইন৷
২৩ বছৰীয়া অধিনায়ক অলগা কাৰ্মোনাৰ গ’লেৰে ইংলেণ্ডক পৰাস্ত কৰি স্পেইনে প্ৰথমবাৰৰ বাবে বিশ্বকাপ জয় কৰে। ফাইনেলৰ প্ৰথম ১৫ মিনিটত মিডফিল্ডৰ দখল ইংলেণ্ডৰ হাততে আছিল।
১৫ মিনিটৰ পাছত স্পেইনে খেলখন দখল কৰে। সৰু সৰুকৈ আক্ৰমণ কৰিবলৈ ধৰিলে। Teresa Abeleira, Aitana Bonmatira এ বলৰ ওপৰত অধিক দখল ৰাখিবলৈ আৰম্ভ কৰে। ফলত ইংলেণ্ড বিপদত পৰে।
অৱশ্যে স্পেইনে গ’লৰ বাবে বেছি সময় অপেক্ষা কৰিব নালাগিল। ২৯ মিনিটৰ পাছত বাওঁফালে অলগাই বলটো পাই শ্বট মাৰে৷ এই ক্ষেত্ৰত গ’লৰক্ষক আৰ্পছে স্পৰ্শ কৰিব নোৱাৰিলে। ২৩ বছৰীয়া অলগাই দলটোৰ নেতৃত্ব দিছিল।
ইয়াৰ পাছত ইংলেণ্ডে প্ৰত্যুত্তৰ দিব নোৱাৰিলে৷ এটা গ’লেৰেই বিশ্বকাপ দখল কৰে স্পেনিছ বাহিনীয়ে৷
Continue Reading
