ডিজিটেল ডেস্কঃ মুম্বাইৰ মাৰাঠা মন্দিৰ। শ্বাহৰুখ অনুৰাগীৰ বাবে এক তীৰ্থস্থান। ১৯৯৫ চনত শ্বাহৰুখ খানক চিনেমাপ্ৰেমীসকলৰ লগত চিনাকি কৰাই দিয়া ছবি 'দিলৱালে দুলহনিয়া লে জায়েংগে’ আজিও মাৰাঠা মন্দিৰত প্ৰদৰ্শিত হৈ আছে। যোৱা ২৮ বছৰে প্ৰতিদিনে পুৱা ১১.৩০ বজাত শ্বাহৰুখৰ অনুৰাগীসকলে তেওঁৰ জীৱনৰ এখন চৰ্চিত ছবি চাবলৈ ভিৰ কৰে।
এইবছৰ সেই পৰম্পৰা ভংগ কৰি প্ৰথমে আৰম্ভ হ’ল ‘পাথান’ৰ শ্ব’, তাৰ পিছত ‘জোৱান’, আৰু বছৰৰ শেষত ‘ডাংকি’ৰ শ্ব’। কিন্তু হঠাৎ শ্বাহৰুখৰ ‘ডাংকি’ ছবিখনে বক্স অফিচত ‘পাথান’ বা ‘জোৱান’ৰ দৰে ব্যৱসায় কৰিব নোৱাৰাৰ বাবে মাৰাঠা মন্দিৰৰ পৰা আঁতৰাই দিয়া হ’ল। প্ৰভাসৰ ছবি ‘ছালাৰ’ই সেই স্থানত শ্ব’ বৃদ্ধি কৰে।
নব্বৈৰ দশকৰ পৰাই শ্বাহৰুখ এই হলৰ সৈতে জড়িত হৈ আছে। এইবাৰ শ্বাহৰুখৰ ছবিখন আঁতৰাই ‘ছালাৰ’ৰ শ্ব’ বৃদ্ধি কৰা হ’ল। ৰাজকুমাৰ হিৰানীৰ ছবিখনক পৰাস্ত কৰিলে প্ৰশান্ত নীলৰ ‘ছালাৰ’। বক্স অফিচৰ ৰিপ’ৰ্টৰ ক্ষেত্ৰত এই ছবিখন ডাংকীতকৈ বহু আগবাঢ়ি আছে। মুক্তিৰ দিনটোত ‘ছালাৰ’ই ১০০ কোটি টকা অতিক্ৰম কৰিলে।
কেৱল মাৰাঠা মন্দিৰেই নহয় মুম্বাইৰ কেইবাজনো একক পৰ্দাৰ মালিকে ‘ডাংকি’ৰ শ্ব’ হ্ৰাস কৰি ‘ছালাৰ’ৰ শ্ব’ বৃদ্ধি কৰিছে। এই সিদ্ধান্তৰ কাৰণ ঠিক কি? কেৱল ব্যৱসায়িক সফলতা আছিল নে আন কিবা কাৰণ আছিল সেয়া জনা নাযায়।
Continue Reading
