ডিজিটেল ডেস্ক: চৰ্চা, উৎকণ্ঠাৰ অৱসান ঘটাই বিবাহপাশত আবদ্ধ হ’ল বলীউডৰ অভিনেতা তথা প্ৰযোজক আৰবাজ খান আৰু শ্বুৰা খান৷ আৰবাজ খানে তেওঁৰ পত্নী শ্বুৰা খানৰ সৈতে তেওঁৰ বিবাহৰ স্থিৰচিত্ৰ ছ’চিয়েল মিডিয়াত শ্বেয়াৰ কৰিছে। আৰবাজ-শ্বুৰাই ২৪ ডিচেম্বৰত এক ব্যক্তিগত অনুষ্ঠানত বিবাহপাশত আবদ্ধ হৈছিল আৰু অনুৰাগীসকলে তেওঁলোকৰ বিশেষ দিনটো উদযাপন কৰিবলৈ আগ্ৰহেৰে অপেক্ষা কৰি আছিল। তেওঁলোকৰ বিবাহ অনুষ্ঠান মুম্বাইৰ অৰ্পিতা খান শৰ্মাৰ বাসগৃহত অনুষ্ঠিত হৈছিল৷
আৰবাজ খানৰ বিয়াখন ২৪ ডিচেম্বৰত অনুষ্ঠিত হৈছিল৷ আৰু এই অনুষ্ঠানত তেওঁৰ পৰিয়ালৰ সদস্যসকল উপস্থিত আছিল, য’ত আৰবাজৰ ভাতৃ ছলমান আৰু চোহেল খান লগতে তেওঁৰ পিতৃ-মাতৃ চেলিম আৰু চালমা খানো আছিল।
পৰৱৰ্তী সময়ত আৰবাজে ইনষ্টাগ্ৰামত শ্বুৰাৰ সৈতে ফটো শ্বেয়াৰ কৰে।
অভিনেতা মঞ্জৰী ফাডনিছে লিখিছিল, অভিনন্দন। আপোনালোক দুয়োলৈকে প্ৰচুৰ মৰম থাকিল৷ ‘চেন্নাই এক্সপ্ৰেছ’ত থাংগাবাল্লিৰ চৰিত্ৰৰ বাবে সুপৰিচিত নিকিতিন ধিৰেও নৱদম্পতীক অভিনন্দন জনায়।
গায়ক হৰ্ষদীপ কৌৰেও দম্পতীটোৰ বিয়াৰ ফটো শ্বেয়াৰ কৰি লিখিছিল, অভিনন্দন মৰমৰ আৰবাজ আৰু শ্বুৰা৷
আৰবাজ খান আৰু শ্বুৰা খান তেওঁৰ নতুন ছবি ‘পাটনা শুক্লা’ৰ শ্বুটিংস্থলীত লগ হৈছিল। অভিনেতাজনে আগতে মালাইকা অৰোৰাৰ সৈতে বিবাহপাশত আৱদ্ধ হৈছিল। দুয়োজনে ২০১৬ৰ মাৰ্চত তেওঁলোকৰ বিচ্ছেদৰ কথা ঘোষণা কৰিছিল৷
Continue Reading
