ডিজিটেল ডেস্ক: ইউটিউব দৰ্শকসকলৰ বাবে এয়া এটা দুখবৰ৷ জনপ্ৰিয় ইউটিবাৰ তথা ফুড ব্ল’গাৰৰ অকাল মৃত্যুৱে শোকাচ্ছন্ন কৰিছে ইউটিউব-জগত৷ হাঁহি-মাতি ফুড ব্লগেৰে দৰ্শকক মোহাৱিষ্ট কৰি ৰখা পঞ্চাশবছৰীয়া নাটাশা আৰু নাই।
দীৰ্ঘদিনধৰি শাৰীৰিক অসুস্থতাত ভুগি থকা নাটাশাই অৱশেষত নিয়তিৰ ওচৰত হাৰ মানিলে। ছ’চিয়েল মিডিয়াত ‘নাটাছা দিদ্দী’ৰূপেও সুপৰিচিত আছিল ব্লগাৰগৰাকী৷
নাটাশাৰ স্বামীয়ে ইনষ্টাগ্ৰামযোগে তেওঁৰ পত্নীৰ মৃত্যুৰ খবৰ ৰাজহুৱা কৰিছে৷ স্বামীয়ে ইনষ্টাগ্ৰামত লিখিছে, ‘অতি বেদনাদায়ক খবৰ এয়ে মোৰ পত্নী নাটাছা দিদ্দী ওৰফে দ্য গটলেছ ফুডি আৰু নাই।
কিছু বছৰ পূৰ্বে পেটৰ টিউমাৰত আক্ৰান্ত হৈছিল নাটাশা। গেষ্ট্ৰিক বাইপাছৰ দ্বাৰা ইয়াক আঁতৰাই পেলোৱা হৈছিল। কিন্তু শেহতীয়াকৈ তেওঁ বমি, ডায়েৰিয়াৰ লগতে বিভিন্ন ৰোগত আক্ৰান্ত হৈছিল। দেওবাৰে শেষ নিশ্বাস ত্যাগ কৰিছিল নাটাশাই। মৃত্যু সময়ত নাটাশাৰ বয়স আছিল ৫০ বছৰ।
Continue Reading
