ডিজিটেল ডেস্কঃ পৰীক্ষাত প্ৰশ্নৰ উত্তৰ দেখাবলৈ অস্বীকাৰ কৰা বাবেই এজন ছাত্ৰক চোকা অস্ত্ৰৰে আক্ৰমণ কৰিলে সহপাঠীয়ে।
জানিব পৰামতে এখন বিদ্যালয়ত অনুষ্ঠিত এছ এছ চি পৰীক্ষাৰ সময়চোৱাত উক্ত ঘটনা সংঘটিত হয়। পৰীক্ষাৰ অন্তত ছাত্ৰজন বিদ্যালয়ৰ পৰা ওলাই অহাত চৌহদৰ ওচৰতে ৩গৰাকী ছাত্ৰই মিলি মেধাৱী ছাত্ৰগৰাকীক চোকা অস্ত্ৰৰে আক্ৰমণ কৰে।
এই আক্ৰমণত গুৰুতৰভাৱে আহত হয় ছাত্ৰজন। তেজেৰ লুতুৰি-পুতুৰি হৈ পৰে তেওঁৰ দেহ।
গুৰুতৰভাৱে আঘাতপ্ৰাপ্ত কিশোৰ ছাত্ৰজনক বিদ্যালয় চৌহদৰ ওচৰতে পেলাই অপৰাধী ছাত্ৰকেইজন পলাই যায়। আঘাতপ্ৰাপ্ত ছাত্ৰজনক প্ৰত্যক্ষ কৰি বিদ্যালয়খনৰ শিক্ষকে ততালিকে স্থানীয় হাস্পতালত ভৰ্তি কৰায়। ইতিমধ্যে স্থানীয় আৰক্ষীয়ে আৰক্ষী থানাত ভাৰতীয় দণ্ডবিধি (আইপিচি) ধাৰা ৩২৪ত এক গোচৰ ৰুজু কৰিছে।
এই মৰ্মান্তিক ঘটনা সংঘটিত হৈছে মহাৰাষ্ট্ৰৰ এখন বিদ্যালয়ত। আৰক্ষীৰ তদন্ত আৰম্ভ।
Continue Reading
