ডিজিটেল ডেস্কঃ তুৰস্কৰ ভূমিকম্পৰ ধ্বংসস্তুপৰ পৰা উদ্ধাৰ কৰা হৈছে এজন বিশ্বৰ আগশাৰীৰ ফুটবলাৰৰ মৃতদেহ। তুৰস্কৰ ভূমিকম্পৰ পিছৰে পৰা তেওঁ সন্ধানহীন হৈ আছিল। অৱশেষত এটা ঘৰৰ ধ্বংসাৱশেষৰ তলৰ পৰা উদ্ধাৰ হৈছে মৃতদেহটো
ফুটবলাৰগৰাকীৰ নাম- ক্ৰিষ্টিয়ান আটছু। ইংলিছ প্ৰিমিয়াৰ লীগৰ প্ৰখ্যাত দুটা ক্লাব চেলছী আৰু নিউকেষ্টল ইউনাইটেডৰ প্ৰাক্তন ফুটবলাৰ আছিল আফ্ৰিকাৰ ঘানাৰ এইগৰাকী ফুটবলাৰ। ইতিমধ্যে তেওঁৰ মৃত্যুৰ খবৰ তেওঁৰ এজেণ্টে নিশ্চিত কৰিছে। ভয়ংকৰ ভূমিকম্পৰ ১১ দিনৰ পাছত শুকুৰবাৰে আটছুৰ মৃতদেহ উদ্ধাৰ কৰা হয়। তাৰপাছতে শোকৰ ছাঁ পৰিছে ফুটবল বিশ্বত।
আটছুৱে শেহতীয়াকৈ তুৰ্কী ছুপাৰ লীগ ক্লাব হাটাইস্পৰৰ হৈ খেলিছিল। ২০২২ চনত এই ক্লাবত যোগদান কৰিছিল তেওঁ। সেয়ে দক্ষিণ তুৰস্কৰ হাটাই প্ৰদেশৰ এটা ১২ মহলীয়া এপাৰ্টমেণ্টত বাস কৰিছিল ফুটবলাৰগাৰীয়ে।
যোৱা সপ্তাহত হোৱা ভয়াৱহ ভূমিকম্পত তেওঁৰ বাসগৃহ সম্পূৰ্ণৰূপে ধ্বংস হৈছিল। তেতিয়াৰ পৰা তেওঁক বিচাৰি পোৱা নগৈছিল। তেওঁৰ এজেণ্ট মুৰাট উজুনমেহমেটে কয় যে, “আটছুৰ নিৰ্জীৱ মৃতদেহটো ধ্বংসাৱশেষৰ তলৰ পৰা উদ্ধাৰ কৰা হৈছে।” তেওঁৰ সামগ্ৰীসমূহৰ উদ্ধাৰৰ কাম চলি আছে।
তেওঁৰ ক্লাবেও ফুটবলাৰগৰাকীৰ মৃত্যু নিশ্চিত কৰিছে। ৩১ বছৰীয়া উইংগাৰগৰাকীয়ে ঘানাৰ হৈ ৬৫ খন খেলত ১০টা গ’ল কৰিছইল। তুৰস্কৰ পূৰ্বে তেওঁ দুবছৰ ছৌদি আৰৱৰ ক্লাব আল-ৰিয়াদত খেলিছিল।
Continue Reading
