গীতাৰ কথাবোৰে আমাক জীৱন ধাৰণৰ দিশ দেখুৱায়। গীতাত উল্লেখিত শ্ৰীকৃষ্ণৰ পৰামৰ্শ যদি আপুনি সঠিকভাৱে পালন কৰে তেন্তে জীৱনত সফলতা অৰ্জন কৰাটো তেনেই সহজ কথা। গীতাৰ পাঁচটা পৰামৰ্শৰ বিষয়ে জানো, আহক যি কেইটা পৰামৰ্শই আমাক সফলতাৰ পথত আগুৱাই নিব পাৰে।

Listen to Article

2 min read

80%

ডিজিটেল ডেস্কঃ গীতাৰ কথাবোৰে আমাক জীৱন ধাৰণৰ দিশ দেখুৱায়। গীতাত উল্লেখিত শ্ৰীকৃষ্ণৰ পৰামৰ্শ যদি আপুনি সঠিকভাৱে পালন কৰে তেন্তে জীৱনত সফলতা অৰ্জন কৰাটো তেনেই সহজ কথা। গীতাৰ এইকেইটা পৰামৰ্শৰ বিষয়ে জানো, আহক যি কেইটা পৰামৰ্শই আমাক সফলতাৰ পথত আগুৱাই নিব পাৰে।

গীতা জ্ঞান অৰ্থাৎ গীতাৰ কথাবোৰ আজিও আমাৰ জীৱনত সমানে প্ৰাসংগিক। শ্ৰীকৃষ্ণই শ্ৰীমদ ভাগৱত গীতাত জীৱনৰ সকলো পাঠ শিকাইছে। মহাভাৰতত কুৰুক্ষেত্ৰৰ যুদ্ধ আৰম্ভ হোৱাৰ ঠিক আগতে অৰ্জুনে ভাবিছিল যে তেওঁ কেনেকৈ তেওঁৰ প্ৰিয়জনৰ বিৰুদ্ধে অস্ত্ৰ-শস্ত্ৰ চলাব। তেতিয়া শ্ৰীকৃষ্ণই তেওঁক জীৱনৰ দৰ্শন শিকাইছিল। গীতাৰ প্ৰতিটো শ্লোকেই আমাক জীৱনৰ বিষয়ে মূল্যবোধ শিকায়। গীতাই আমাক জীয়াই থকাৰ সঠিক পথ দেখুৱায়।

গীতাত মুঠ ১৮ টা অধ্যায় আৰু ৭০০ টা শ্লোক আছে। এই সকলো বোৰ শ্লোকত আমি জীৱনৰ সকলো সমস্যাৰ সমাধান বিচাৰি পাওঁ। গীতাৰ শ্লোকবোৰ সঠিকভাৱে অনুসৰণ কৰিব পৰা যিকোনো ব্যক্তিয়ে জীৱনত সফলতা লাভ কৰিব পাৰে। গীতাৰ এনে পাঁচটা পৰামৰ্শ ইয়াত উল্লেখ কৰা হৈছে।

* শ্ৰীকৃষ্ণই গীতাত কৈছে যে মনৰ পৰা অহংকাৰ ভাব আঁতৰ নকৰাকৈ জীৱনত সফলতা লাভ কৰাটো কাৰো বাবে সম্ভৱ নহয়। অহংকাৰ আমাৰ সফলতাৰ বাবে এক ডাঙৰ বাধা। যদি মনৰ পৰা উচ্চ-নীচ ব্যৱধান আঁতৰ কৰা হয়, অহংকাৰো আঁতৰ হ'ব।

* যোগ বা ধ্যান নকৰা এজন ব্যক্তিয়ে তেওঁৰ সিদ্ধান্ত লোৱাৰ শক্তি হেৰুৱাই পেলায়। তেওঁৰ হৃদয়ত কোনো আৱেগ নাথাকে। কিয়নো ধ্যানে আমাক নিজকে চিনাক্ত কৰিবলৈ শিকায়। নিজকে নজনা কোনোবাই কেনেকৈ কিবা সিদ্ধান্ত ল'ব পাৰিব? যিসকলৰ আৱেগ নাই, তেওঁলোকৰ মনত কোনো শান্তি নাই। এনে এজন ব্যক্তি জীৱনত কেতিয়াও সুখী নহয়।

*শ্ৰীকৃষ্ণই গীতাত কৈছে যে যেতিয়া এজন ব্যক্তিয়ে একো পোৱাৰ আশা নকৰাকৈ নিজৰ কাম কৰে, তেতিয়া তেওঁহে সফলতা অৰ্জন কৰে। যদি আপুনি অহংকাৰ আৰু আকাংক্ষা ত্যাগ কৰি কাম কৰিব পাৰে তেন্তে কেৱল আপুনি জীৱনত শান্তি আৰু সফলতা লাভ কৰিব।শ্ৰীকৃষ্ণই কৈছে, 'কাম কৰি থাকা আৰু ফল আশা নকৰিবা।' যদি আপুনি ফলাফল আশা নকৰাকৈ কাম কৰে, তেন্তে সেই ফলেই সফলতা আনি দিয়ে।

*গীতাত কৃষ্ণই অৰ্জুনক কৈছে , "হে অৰ্জুন, যিয়ে মোক মনত ৰাখে, মই তেওঁক একেই ফল দিওঁ।" তুমি মোৰ দ্বাৰা দেখুওৱা পথ অনুসৰণ কৰিলেহে জীৱনত পৰিত্ৰাণ প্ৰাপ্ত কৰা সম্ভৱ হ'ব। '

*শ্ৰীকৃষ্ণই কৈছে , 'হে অৰ্জুন, কাম অব্যাহত ৰখাৰ তোমাৰ সকলো অধিকাৰ আছে। এই কামৰ পৰিণামৰ বিষয়ে চিন্তা নকৰিবা বা ইয়াক ভয় নকৰিবা। তোমাৰ সন্মুখত যিয়েই নহওঁক, যিকোনো পৰিস্থিতিত তোমাৰ কৰ্তব্য আৰু দায়িত্বৰ পৰা আঁতৰি নাথাকিবা। '