৪ ফেব্ৰৱাৰীৰ নিশা আমেৰিকাৰ লছ এঞ্জেলছত অনুষ্ঠিত হয় ৬৬ সংখ্যক গ্ৰেমী বঁটা প্ৰদান অনুষ্ঠান। এইবেলি গ্ৰমী বঁটাত উজলিল কেইবাগৰাকীও ভাৰতীয়ৰ লগতে গায়িকা টেইলৰ ছুইফট, অলিভিয়া ৰড্ৰিগো, মাইলী চাইৰাছ আৰু লানা ডেল ৰেই । গায়িকা মাইলী চাইৰাছে এইবেলি তেওঁৰ সংগীত জীৱ

Listen to Article

2 min read

80%

ডিজিটেল ডেস্কঃ ৪ ফেব্ৰৱাৰীৰ নিশা আমেৰিকাৰ লছ এঞ্জেলছত অনুষ্ঠিত হয় ৬৬ সংখ্যক গ্ৰেমী বঁটা প্ৰদান অনুষ্ঠান। এইবেলি গ্ৰমী বঁটাত উজলিল কেইবাগৰাকীও ভাৰতীয়ৰ লগতে গায়িকা টেইলৰ ছুইফট, অলিভিয়া ৰড্ৰিগো, মাইলী চাইৰাছ আৰু লানা ডেল ৰেই । গায়িকা মাইলী চাইৰাছে এইবেলি তেওঁৰ সংগীত জীৱনৰ প্ৰথমটো গ্ৰেমী বঁটা লাভ কৰিবলৈ সক্ষম হয়। চতুৰ্থবাৰৰ বাবে গ্ৰেমী বঁটা প্ৰদান অনুষ্ঠানৰ ঘোষক হিচাপে আছিল জনপ্ৰিয় কমেডী অভিনেতা ট্ৰেভৰ নোহে।

২০২৪ বৰ্ষৰ ৬৬ সংখ্যক গ্ৰেমী বঁটাত উজলিল কেইবাগৰাকীও ভাৰতীয় সংগীত শিল্পী। এইবেলি ভাৰতীয় সংগীতশিল্পী শংকৰ মহাদেৱন আৰু বিখ্যাত তবলা বাদক জাকিৰ হুছেইনক গ্ৰেমী বঁটা প্ৰদান কৰা হয়। লগতে শংকৰ মহাদেৱনৰ বেণ্ড ‘শক্তি’ৰ ‘দিছ মমেণ্ট’ এলবামে ‘শ্ৰেষ্ঠ গ্ল’বেল মিউজিক এলবাম’ৰ খিতাপ লাভ কৰিবলৈ সক্ষম হয়। ‘দিছ মমেণ্ট’ এলবামটোত মুঠ ৮টা গীত আছে। ৬৬ সংখ্যক গ্ৰেমী বঁটাত শংকৰ মহাদেৱন আৰু জাকিৰ হুছেইনৰ বেণ্ড 'শক্তি'য়ে গ্ৰেমী লাভ কৰাৰ লগতে ভাৰতীয় শাস্ত্ৰীয় সংগীতৰ অন্যতম কিংবদন্তি হৰিপ্ৰসাদ চৌৰাছিয়াৰ ভতিজা বাঁহীবাদক ৰাকেশ চৌৰাছিয়াই দুটাকৈ গ্ৰেমী লাভ কৰিছে। জাকিৰ হুছেইনে তিনিটা গ্ৰেমী লাভ কৰিছে।

ৰাকেশ চৌৰাছিয়াৰ 'এজ উই স্পিক' এলবামটো গ্ৰমেৰী তিনিটা পৃথক শিতানৰ বাবে মনোনীত হৈছিল। একেদৰে বিলি ইলিছ আৰু তেওঁৰ ভাতৃ ফিনিয়াছে এইবেলি ছং অফ দা ইয়েৰ বঁটা লাভ কৰিবলৈ সক্ষম হয়। তেওঁলোকে হোৱাট ৱাজ আই মেড ফৰ গীতটিৰ বঁটা লাভ কৰে। গীতটো বাৰ্বি নামৰ ছবি খনৰ গীত। আনহাতে, টেইলৰ ছুইফ্টে ১৩ বাৰৰ বাবে এই বঁটা লাভ কৰে। মাইলি চাইৰাছে প্ৰথমবাৰৰ বাবে খিতাপ অৰ্জন কৰে। টেইলৰ ছুইফ্টে শ্ৰেষ্ঠ পপ ভোকেল এলবামৰ বাবে বঁটা লাভ কৰিছে। তেওঁ তেওঁৰ এলবাম মিডনাইটৰ বাবে এই বঁটা লাভ কৰিছে। মিলি চাইৰাছে শ্ৰেষ্ঠ একক প্ৰদৰ্শনৰ বাবে বঁটা লাভ কৰিছে। শ্ৰেষ্ঠ গ্ৰুপ পাৰফৰমেন্সৰ বঁটা লাভ কৰে ঘোষ্ট ইন দ্য মেচিন গীতটিয়ে।

থেৰন থমাছে নন-ক্লাছিকেল গীতিকাৰ শিতানত বঁটা লাভ কৰে আৰু জেক এণ্টফে নন-ক্লাছিকেল শিতানত প্ৰযোজকৰ বঁটা লাভ কৰে। ৰাম্বলে শ্ৰেষ্ঠ ইলেক্ট্ৰিকেল ৰেকৰ্ডিঙৰ বঁটা লাভ কৰে। জাগুয়াৰ ২-এ শ্ৰেষ্ঠ আৰ এণ্ড বি এলবাম বঁটা লাভ কৰে। গুড মৰ্ণিং-এ শ্ৰেষ্ঠ পৰম্পৰাগত প্ৰদৰ্শনৰ বঁটা লাভ কৰিছে। দ্য ৰেকৰ্ডে শ্ৰেষ্ঠ অল্টাৰনেটিভ মিউজিক এলবামৰ বঁটা লাভ কৰে।

অন্যান্য শিতানৰ বঁটা

আন শ্ৰেণীত কোনে কি বঁটা লাভ কৰিছিল?

শ্ৰেষ্ঠ ল্টাৰনেটিভ মিউজিক পাৰফৰমেন্স বঁটা: দিছ ইজ হোৱাই

শ্ৰেষ্ঠ ৰক এলবাম: দিছ ইজ হোৱাই

শ্ৰেষ্ঠ ৰক সংগীত: নট ষ্ট্ৰং এনাফ

শ্ৰেষ্ঠ মেটাল পাৰফৰমেন্সঃ ৭২ ছিজনছ, মেটালিকা

শ্ৰেষ্ঠ ইঞ্জিনিয়ার্ড এলবাম, ধ্ৰুপদী: কনটেম্পোৰেৰী আমেৰিকান কম্পোজাৰ।

বৰ্ষটোৰ শ্ৰেষ্ঠ প্ৰযোজক : এলেইন মাৰ্টন

শ্ৰেষ্ঠ অডিঅ' এলবাম: দ্য ডায়েৰী অব অ্যালিছিয়া কিজ

শ্ৰেষ্ঠ ইন্সট্রুমেন্টাল কম্পোজিছন: হেলেনাজ থিম।

শ্ৰেষ্ঠ অৰ্কেষ্ট্ৰেল পাৰফৰমেন্স : এডিচ: দান্তে

শ্ৰেষ্ঠ চেম্বাৰ মিউজিক: ৰাফ মেজিক, ৰুমফুল অফ টিথ