ঘৰৰ ছোৱালী ঘৰলৈ আহিল! তিনি বছৰৰ মূৰত স্বদেশত ভৰি থলে ভাৰতকন্যা প্ৰিয়ংকা চোপ্ৰাই

ডিজিটেল ডেস্কঃ প্ৰায় তিনি বছৰৰ মূৰত স্বদেশৰ মাটিত ভৰি থৈছে ভাৰতকন্যা প্ৰিয়ংকা চোপ্ৰাই। মঙলবাৰে তেওঁ মুম্বাইত পদাৰ্পন কৰে। নীলা ডেনিম পৰিহিতা প্ৰিয়ংকাই ঘৰৰ মাটিত ভৰি থৈয়েই অনুৰাগী আৰু বন্ধুবৰ্গৰ স’তে ভাৱ বিনিময় কৰে।

সোমবাৰে ইনষ্টাগ্ৰামযোগে প্ৰিয়ংকাই তেওঁৰ ভাৰত ভ্ৰমণত বিষয়ে অনুৰাগীসকলক জনাইছিল। ২০২০ চনৰ মহামাৰি আৰু চলিত বৰ্ষৰ জানুৱাৰীত কন্যাশিশু জন্ম দিয়াৰ পাছত তেওঁৰ এয়া প্ৰথমবাৰৰ বাবে ভাৰত ভ্ৰমণ।

উল্লেখ্য যে বৰ্তমান বিবাহসূত্ৰে প্ৰিয়ংকা চোপ্ৰাই আমেৰিকা যুক্তৰাষ্ট্ৰৰ লছ এঞ্জেলছত বাস কৰে। তেওঁৰ লগত পতি নিক জনাছেও বাস কৰে। লছ এঞ্জেলছতে প্ৰিয়ংকা-নিকে ভাৰতৰ পৰম্পৰাগত উৎসৱসমূহ পালন কৰা দেখা পোৱা যায়।

শেহতীয়াকৈ দম্পত্তিটোৱে দিৱালীও উদযাপন কৰিছিল। দিৱালীত প্ৰিয়ংকাৰ মাতৃ মধু চোপ্ৰাও উপস্থিতি আছিল। ভাৰতত ভৰি দিয়া মাত্ৰকেই তেওঁৰ মুখত হাঁহি বিৰিঙি উঠে। কেমেৰামেনসকললৈ হাঁহি ভৰা সম্ভাষণ জনায়।

আনহাতে, দাম্পত্য জীৱনৰ লগে লগে নিজৰ কামতো ব্যস্ত আছে প্ৰিয়ংকা। ইটছ অল কামিং বেক টু মি, চিটাডেলৰ দৰে হলিউডৰ চিনেমাৰ উপৰিও জি লে ঝাৰা নামৰ এখনি বলিউডৰ চিনেমাত কাম কৰিছে প্ৰিয়ংকাই।