ডিজিটেল ডেস্কঃ বৰ্তমান সময়ত মানুহৰ ঘৰে ঘৰে মহৰ উপদ্ৰৱ বাঢ়িছে। বহুসময়ত কইলেও কাম নকৰা হৈ যায়। মৃদু-গৰম বতৰৰ বাবে মহৰ প্ৰজননৰ হাৰো বৃদ্ধি পাইছে। সন্ধিয়া ঘৰৰ দুৱাৰখন খোলাৰ লগে লগে মহ দলে-বলে সোমাই আহে। যদি আপোনাৰ ঘৰতো মহৰ সমস্যা হৈছে, তেন্তে আজি আমি আপোনাক ইয়াৰ পৰা পৰিত্ৰাণ পোৱাৰ নিশ্চিত উপায় ক'ম। এই ঘৰুৱা উপায় চেষ্টা কৰি মহক ঘৰৰ পৰা খেদিব পাৰিব।
মহ খেদাৰ ঘৰুৱা উপায়
১) ঘৰত মহৰ প্ৰৱেশ ৰোধ কৰিবলৈ নেমু এটুকুৰা কাটি তাত ২-৩ টা লং পুতি থব লাগে। ইয়াৰ পিছত সেই কাটি লোৱা নেমুটো দুৱাৰত আৰু আন ঠাইত ৰাখিব লাগে য’ৰ পৰা মহে কোঠাটোত প্ৰৱেশ কৰে। এই উপায়ৰ দ্বাৰা মহৰ প্ৰৱেশ ঘৰত কমি যায়।
২) মহক ঘৰৰ পৰা খেদিবলৈ নহৰু ব্যৱহাৰ কৰিব পাৰে। ইয়াৰ বাবে আপুনি প্ৰথমে নহৰু উতলাই লওক। ইয়াৰ পিছত পিহি তাৰ দ্ৰৱ বনাওক। তাৰ পিছত সেই দ্ৰৱটো পানীৰে ভৰা বটল এটাত ভৰাই দিব। ইয়াৰ পিছত মহ লুকাই থকা বুলি সন্দেহ কৰা ঠাইবোৰত সেই মিশ্ৰণটো ছটিয়াই দিব।
৩) সনাতন ধৰ্মত তুলসীক পবিত্ৰ উদ্ভিদ বুলি গণ্য কৰাই নহয়, ই আয়ুৰ্বেদিক গুণেৰেও ভৰপূৰ। মহ ঘৰৰ পৰা আঁতৰত ৰাখিবলৈ তুলসী গছ ৰোপণ কৰিব পাৰে। লগতে শুকান তুলসীৰ পাত জ্বলাই মহ খেদি পঠিয়াব পাৰি।
৪) মহৰ লগত মোকাবিলা কৰিবলৈ নিম পাতৰ প্ৰতিকাৰ অতি ফলপ্ৰসূ বুলি বিবেচিত হয়।প্ৰথমে মাটিৰ পাত্ৰ এটা লওক। ইয়াৰ পিছত কিছু শুকান নিমৰ পাত, কৰ্ফূৰ গুটি, লং দিব। ২-৩ টা তেজপাত আৰু ২ চামুচ সৰিয়হৰ তেল দিব। ইয়াৰ পিছত সেই পাত্ৰটো এনে ঠাইত ৰাখক য’ত মহ প্ৰচুৰ পৰিমাণে থাকে। সেই জুইৰ ধোঁৱাই মহবোৰক শ্বাসৰুদ্ধ কৰি পেলাব আৰু তাৰ পৰা পলাই যাব।
Continue Reading
