ডিজিটেল ডেস্কঃ শেহতীয়াকৈ সৰ্বোচ্চ ন্যায়ালয়ত এটা আমোদজনক গোচৰৰ শুনানি গ্ৰহণ কৰা হৈছিল যাৰ ওপৰত এতিয়া আদালতৰ সিদ্ধান্ত আহিছে। আদালতে নিজৰ সিদ্ধান্তত উল্লেখ কৰিছে যে- যি জন্তুৰ গাখীৰৰ পৰা ঘিউ তৈয়াৰ কৰা হয়, সেই জন্তুক উৎপাদক হিচাপে গণ্য কৰা হ’ব। অন্ধ্ৰ প্ৰদেশৰ বজাৰসমূহত ক্ৰয়-বিক্ৰয় কৰা ঘিউ সন্দৰ্ভত উচ্চতম ন্যায়ালয়ে এই সিদ্ধান্ত প্ৰদান কৰে। এই অঞ্চলসমূহত ক্ৰয়-বিক্ৰয় কৰা ঘিউ নিয়ন্ত্ৰণ সন্দৰ্ভত এই বিষয়টো আদালতত উপনীত হৈছিল।
উচ্চতম ন্যায়ালয়ত এই গোচৰৰ শুনানি গ্ৰহণ ক ন্যায়াধীশ সুধাংশু ঢুলীয়া আৰু ন্যায়াধীশ এছ ভি এন ভাটিৰ বিচাৰপীঠে। ‘ঘিউ গৰু ম’হৰ দৰে জীৱ-জন্তুৰ নহয়’, এই যুক্তিটোক ভিত্তিহীন বুলি বিচাৰপীঠে উল্লেখ কৰে। অন্ধ্ৰ প্ৰদেশৰ ১৯৬৬ চনৰ আইন সন্দৰ্ভত উচ্চতম ন্যায়ালয়ে কয় যে গৰু আৰু ম’হক কোনো বিবাদ নোহোৱাকৈ পশুধন বুলি সংজ্ঞায়িত কৰা হৈছে। এনে পৰিস্থিতিত যিহেতু ঘিউ গাখীৰৰ পৰা তৈয়াৰ কৰা হয় আৰু আমি পশুধনৰ পৰা গাখীৰ পাওঁ, তেনে পৰিস্থিতিত ঘিউকো পশুধনৰ উৎপাদন বুলি গণ্য কৰা উচিত।
এই বিষয়ৰ মূলতে আছে ১৯৯৪ চনৰ অন্ধ্ৰ প্ৰদেশ চৰকাৰৰ অধিসূচনা য’ত ঘিউক পশুধনৰ উৎপাদন বুলি গণ্য কৰা হৈছিল। অন্ধ্ৰ প্ৰদেশৰ কিছু অঞ্চলত ঘিউৰ ক্ৰয়-বিক্ৰয় নিয়ন্ত্ৰণৰ লক্ষ্যৰে এই কাম কৰা হৈছিল।অন্ধ্ৰ প্ৰদেশ উচ্চ ন্যায়ালয়ৰ বিচাৰপীঠে এই গোচৰৰ শুনানি গ্ৰহণ কৰে। উচ্চ ন্যায়ালয়ে নিজৰ সিদ্ধান্তত আবেদনকাৰী পক্ষৰ যুক্তি নাকচ কৰি ১৯৯৪ চনৰ অন্ধ্ৰ চৰকাৰৰ অধিসূচনাক সমৰ্থন কৰে।আনকি অন্ধ্ৰ প্ৰদেশ উচ্চ ন্যায়ালয়ে কয় যে ঘিউ পশুধনৰ প্ৰত্যক্ষ উৎপাদন নহয়, গাখীৰৰ পৰা প্ৰস্তুত কৰা বুলি কেৱল এই ভিত্তিতে পশুধনৰ সামগ্ৰী হিচাপে নাকচ কৰিব নোৱাৰি।
উচ্চতম ন্যায়ালয়ত আবেদন কৰাসকলে অন্ধ্ৰ প্ৰদেশ উচ্চ ন্যায়ালয়ৰ সিদ্ধান্তক প্ৰত্যাহ্বান জনায়। ইয়াৰ পাছত উচ্চতম ন্যায়ালয়ে বিষয়টো বিতংভাৱে শুনানি গ্ৰহণ কৰি আবেদন নাকচ কৰে আৰু গাখীৰৰ দৰে ঘিউকো পশুধনৰ উৎপাদন বুলি গণ্য কৰে।
Continue Reading
