ডিজিটেল ডেস্ক : আমি সকলোৱে জানো
যে ঘিউ স্বাস্থ্যৰ বাবে উপযোগী। এই ঘিউৰ দুটা আটাইতকৈ আচৰিত বৈশিষ্ট্য হ’ল যে ঘিউত
কেলচিয়াম আৰু প্ৰ’টিন দুয়োটাই নাথাকে। তথাপিও ঘিউ খালে হাড় কেনেকৈ মজবুত হয়। ইয়াৰ
লগতে ঘিউ নিজেই চৰ্বিযুক্ত, গতিকে ঘিউ খোৱাটোৱে ওজন হ্ৰাস কৰিবলৈ কেনেদৰে সহায় কৰে!
মেদবহুলতা হ্ৰাসৰ সৈতে জড়িত এক গৱেষণাৰ পৰা জানিব পৰা গৈছে যে দেশী ঘিউত এক বিশেষ
ধৰণৰ চৰ্বি পোৱা যায়, যিয়ে শৰীৰৰ চৰ্বি বৃদ্ধিৰ কাম নকৰে। যদি দেশী ঘিউ প্ৰতিদিনে
সীমিত পৰিমাণে খোৱা হয়, তেন্তে ইয়াত পোৱা সংপৃক্ত চৰ্বিয়ে ওজন হ্ৰাস কৰাৰ লগতে হাড়ো
মজবুত কৰে।
এচামুচ দেশী ঘিউত ১৩০ কেলৰি পোৱা যায়। চৰ্বি ১৫ গ্ৰাম, চেনি শূন্য গ্ৰাম, কাৰ্বহাইড্ৰেট ০ আৰু প্ৰটিনৰো শূন্য আৰু কেলচিয়ামও শূন্য শতাংশ। এতিয়া প্ৰশ্ন উত্থাপন হৈছে যে যেতিয়া ঘিউত কেলচিয়াম আৰু প্ৰটিন নাথাকে, যিয়ে হাড়ক মজবুত কৰি তোলে, কিন্তু ঘিউ খালে হাড় কেনেদৰে মজবুত হয়, জানো আহক।
১. ঘিউৱে হাড়ক কেনেদৰে উপকৃত কৰে?
দেশী ঘিউত ভিটামিন-কে২ পোৱা যায়।
এই ভিটামিনৰ বিশেষত্ব হ’ল ই হাড়ত থকা কেলচিয়াম শোষণত সহায় কৰে। বিশেষকৈ ভিটামিন-কে২-এ
ধমনীবোৰৰ পৰা কেলচিয়াম গ্ৰহণ কৰি হাড়বোৰ শক্তিশালী কৰাৰ কাম কৰে। ইয়াৰ লগতে ধমনীবোৰ
বন্ধ হোৱাৰ পৰা মুক্ত কৰি ৰখাতো কাম কৰে।
২. দেশী গৰুৰ গাখীৰৰ পৰা প্ৰস্তুত
কৰা বিশুদ্ধ ঘিউত ভিটামিন-ডি পোৱা যায়। ভিটামিন-ডি হাড়ৰ শক্তিৰ বাবেও এক অপৰিহাৰ্য
পুষ্টিকৰ উপাদান আৰু ই হাড়ক কেলচিয়াম শোষণ কৰাত সহায় কৰে, যাৰ ফলত হাড় শক্তিশালী
হয়। অৰ্থাৎ ঘিউৱে প্ৰত্যক্ষভাৱে হাড়ক মজবুত নকৰে, কিন্তু ঘিউত পোৱা পুষ্টিকৰ পদাৰ্থই
শৰীৰত এনেধৰণৰ ৰাসায়নিক বিক্ৰিয়া কৰে, যাৰ যোগেদি হাড় মজবুত হয়।
৩. ভিটামিন-কে আৰু ভিটামিন-ডিৰ উপৰি দেশী ঘিউ আন বহু দিশত হাড় সুস্থ কৰি ৰখাত সহায় কৰে। যেনে-ঘিউ নিয়মীয়াকৈ সেৱন কৰিলে ৰোগ প্ৰতিৰোধ ক্ষমতা মজবুত হয়। অন্ত্ৰ পৰিষ্কাৰ হয়, যাৰ ফলত অন্ত্ৰৰ শোষণ শক্তি ভাল হয়। ঘিউ সেৱনে পাচনতন্ত্ৰৰো উন্নতি সাধন কৰে।
৪. যেতিয়া শৰীৰৰ এই সকলোবোৰ অংশই সঠিকভাৱে কাম কৰে, তেতিয়া আমি কম অসুস্থ হওঁ, যাৰ ফলত আমাৰ স্বাস্থ্যৰ প্ৰত্যক্ষ উপকাৰ হয়। আমাৰ শৰীৰ সুস্থ হৈ উঠে আৰু হাড়বোৰ মজবুত হয়। কাৰণ আমাৰ শৰীৰে সকলো পুষ্টিকৰ উপাদান সঠিক পৰিমাণত পায়। যিসকল লোকৰ ৰোগ প্ৰতিৰোধ ক্ষমতা বা পাচনতন্ত্ৰ দুৰ্বল, তেওঁলোকে সঘনাই অসুস্থ হৈ পৰে, যাৰ বাবে তেওঁলোকৰ শৰীৰৰ প্ৰয়োজনীয় পুষ্টিকৰ উপাদানৰ ভাৰসাম্য বিঘ্নিত হয় আৰু ই হাড়তো প্ৰভাৱ পেলায়।
Continue Reading
