ডিজিটেল ডেস্কঃ পঞ্জাৱ সীমান্তত এতিয়া কুঁৱলীৰ তাণ্ডল চলিছে। সেই এলেকাত দিনত উৎকট গৰম হোৱাৰ লগতে নিশা শীতৰ প্ৰকোপ বাঢ়ে। পঞ্জাৱ সীমান্তত নিয়োজিত এজন বিএছএফ জোৱানক শেহতীয়াকৈ পাকিস্তান সেনাই আটক কৰে। অৱশ্যে, দুয়োখন দেশৰ সামৰিক বিষয়াসকলৰ মাজত হোৱা বৈঠকৰ পিছত বন্দী সৈনিকজনক পাকিস্তানে মুক্তি দিব বুলি কৈছে।
সীমান্ত সুৰক্ষা বাহিনীৰ (বিএছএফ) এজন জোৱানক পাকিস্তান সেনাই সীমান্ত পাৰ হৈ পাকিস্তানত প্ৰৱেশ কৰাৰ পিছতে বন্দী কৰে।পাঞ্জাৱ খণ্ডৰ ওচৰত ভুলবশতঃ সীমান্ত পাৰ হোৱাৰ সময়তে পাকিস্তানৰ সেনাই তেওঁক আটক কৰে। বৃহস্পতিবাৰে ভাৰতীয় সেনাৰ বিষয়াসকলে নিশ্চিত কৰে যে বিএছএফ জোৱানজনক সোনকালে ঘূৰাই অনাৰ প্ৰচেষ্টা অব্যাহত আছে।
সেনাৰ এজন বিষয়াই কয় যে জোৱানজনে ঘন কুঁৱলীৰ বাবে বুধবাৰে পুৱা ভুলবশতঃ সীমান্ত পাৰ হৈ পাকিস্তানত প্ৰৱেশ কৰিছিল। ইয়াৰ পিছতে তেওঁক পাকিস্তানী সেনাই বন্দী কৰে। ইতিমধ্যে আটক কৰা সৈনিকসকলক ঘূৰাই অনাৰ বাবে দুয়োখন দেশৰ সেনা বিষয়াসকলৰ মাজত আলোচনা চলি আছে, বিষয়াজনে কয়।
উল্লেখ্য এসপ্তাহৰ ভিতৰতে পাঞ্জাৱ সীমান্তৰ পৰা পাকিস্তানৰ সেনাই দুজন ভাৰতীয় সৈনিকক বন্দী কৰিছে। যোৱা ১ ডিচেম্বৰত এজন ভাৰতীয় সৈন্যই পঞ্জাৱৰ আবোহাৰ চেক্টৰত ভাৰত-পাক সীমান্তৰে ভুলবশতঃ সীমান্ত পাৰ হৈ পাকিস্তানলৈ গৈছিল। অৱশ্যে একেদিনাই দুয়োখন দেশৰ সামৰিক বিষয়াসকলৰ মাজত হোৱা বৈঠকৰ পিছত পাকিস্তানে বন্দী বিএছএফ জোৱানজনক ভাৰতলৈ ঘূৰাই পঠিয়াইছিল।
Continue Reading
