ঘৰুৱা পদ্ধতিৰে পকা চুলি প্ৰাকৃতিকভাৱে ক’লা কৰিব পাৰি, ৰং লগোৱাৰ প্ৰয়োজন নাথাকিব

ডিজিটেল ডেস্ক : পৰিৱৰ্তিত জীৱনশৈলী আৰু অস্বাস্থ্যকৰ খাদ্যাভ্যাসৰ বাবে বৰ্তমান সময়ত চুলিৰ সমস্যা দিনকদিনে বৃদ্ধি হোৱা দেখা যায়। ইয়াৰ ভিতৰত পকা চুলিৰ সমস্যা যথেষ্ট বেছি। আজিকালি ২০ৰ পৰা ২৫ বছৰ বয়সৰ যুৱক-যুৱতীও এই সমস্যাত ভোগা দেখা যায়। প্ৰায়ে তেওঁলোকে চুলিৰ ৰং বা ৰাসায়নিক ৰং ব্যৱহাৰ কৰি পকা চুলি লুকুৱাবলগীয়া হয়, কিন্তু ইয়াৰ ফলত চুলিবোৰ নিৰ্জীৱ যেন লাগে। সেয়েহে এইসমূহ ঘৰুৱা পদ্ধতিৰে আপুনিও প্ৰাকৃতিকভাৱে চুলি ক’লা কৰিব পাৰি, জানি লওক।

 এইবোৰ সামগ্ৰী ব্যৱহাৰে চুলি ক’লা কৰে-

১. পিঁয়াজৰ ৰস আৰু অলিভ তেলঃ-পকা চুলি সমস্যাত পিঁয়াজৰ ৰস উপকাৰী বুলি প্ৰমাণিত হৈছে। চুলিৰ বৃদ্ধিৰ বাবেও অতি সহায়ক। অলিভ অইলত পিঁয়াজৰ ৰস আৰু নেমুৰ ৰস মিহলাই মূৰৰ ছালত মালিচ কৰিলে চুলি মজবুত হোৱাৰ লগতে পকা চুলি সমস্যা হ্ৰাস পায়।

২. ব্লেক টি-ব্লেক টি ব্যৱহাৰ কৰি চুলিক স্বাভাৱিকভাৱে ক’লা কৰি তুলিব পাৰি। ইয়াত প্ৰচুৰ পৰিমাণে এন্টিঅক্সিডেন্ট গুণ থাকে, যিয়ে চুলি ক’লা কৰাত সহায় কৰে। ইয়াৰ বাবে এটা বাটিত পানী লৈ ২ চামুচ চাহপাত আৰু এচামুচ নিমখ দি উতলাই লৈ চেকি থৈ ঠাণ্ডা হ’লে চুলিত লগাওক।

৩. নাৰিকল তেল আৰু নেমুৰ ৰসঃ-নাৰিকল তেলে চুলি স্বাভাৱিকভাৱে মজবুত কৰাত সহায় কৰে। নাৰিকল তেলত নেমুৰ ৰস মিহলাই চুলিৰ মালিচ কৰক। ইয়াৰ নিয়মীয়া ব্যৱহাৰে পকা চুলি হ্ৰাস কৰিব পাৰে।

৪. আদা আৰু মৌঃ-আদা আৰু মৌৰ সংমিশ্ৰণে চুলি ক’লা কৰাৰ বাবে অতি ফলপ্ৰসূ। আদাৰ আৰু মৌ মিহলাই পেষ্ট বনাই চুলিত লগাওক। প্ৰায় আধা ঘণ্টাৰ পাছত পানীৰে ধুব। এই প্ৰক্ৰিয়াটো সপ্তাহত কমেও দুবাৰ কৰিব পাৰি।