ডিজিটেল ডেস্কঃ এইবাৰৰ আই পি এলত তেওঁ গৌতম গম্ভীৰৰ সৈতে বিবাদত লিপ্ত হৈছে। সৌৰভ গংগোপাধ্যায়ৰ সৈতেও বিতৰ্কৰ সৃষ্টি হৈছিল। কিন্তু বিৰাট কোহলীয়ে অনুভৱ কৰে যে তেওঁৰ প্ৰকৃত যুঁজ তেওঁলোকৰ সৈতে নহয়। তেনেহ’লে বিৰাটৰ বিবাদ কাৰ স’তে?
বিৰাটে ছ’চিয়েল মিডিয়াত নিজৰ এখন ছবি পোষ্ট কৰে। তাত দেখা যায়, কোহলী ৰঙা চকী এখনত বহি আছে। মূৰৰ ওপৰত পোহৰৰ আভা এটা জিলিকি উঠিছে। কেপচনত বিৰাটে লিখিছে, ‘প্ৰতিযোগিতা মানুহৰ মগজুত চলি থাকে। বাস্তৱত নিজৰ সৈতে যুদ্ধ চলে।''
বিৰাটৰ কেপচনৰ পৰা বুজিব পাৰি যে প্ৰতি মুহূৰ্ততে মানুহ নিজৰ লগত যুদ্ধত লিপ্ত হয়। আন কাৰোবাৰ লগত প্ৰতিযোগিতা কৰাৰ চিন্তাটো হয়তো আপোনাৰ মূৰত আছে। কিন্তু আগুৱাই যাবলৈ নিজৰ লগত যুঁজিব লাগিব।
উল্লেখ্য যে এইবাৰৰ আই পি এলৰ লক্ষ্ণৌ-বেংগালুৰু মেচখনৰ সময়ত কোহলিয়ে প্ৰথমে আফগানিস্তানৰ পেচাৰ নবীন উল হকৰ সৈতে বিবাদত লিপ্ত হয়। খেলৰ পাছত গৌতম গম্ভীৰেও ইয়াৰ লগত জড়িত হৈ পৰে।এই ঘটনাৰ বাবে কোহলী আৰু গম্ভীৰৰ মেচ মাচুলৰ ১০০ শতাংশ আৰু নৱিনৰ মেচ মাচুলৰ ৫০ শতাংশ কৰ্তন কৰা হৈছে।
তাৰ পূৰ্বে দিল্লী-বেংগালুৰুৰ প্ৰথম ৰাউণ্ডৰ খেলখনৰ পিছত কোহলীয়ে দিল্লীৰ ‘ক্ৰিকেট পৰিচালক’ সৌৰভক হাত মিলাই দিয়া নাছিল। সেই ঘটনাতো বিতৰ্ক হৈছিল। পিছৰ খেলখনত অৱশ্যে দুয়োজনে হাত মিলাইছিল।
Continue Reading
