ডিজিটেল ডেস্কঃ গোৱাত ধূমপান কৰাকলৈ সৃষ্টি হ’ল লংকাকাণ্ডৰ। গোৱাৰ অঞ্জুৱানাত ধূমপানক লৈ সৃষ্টি হোৱা হুলস্থূলত কেইবাজনো লোক আহত হৈছে।জানিব পৰা মতে পুলচাইড ৰিজৰ্টত পৰ্যটকৰ এটা দলক দুৰ্বৃত্তই আক্ৰমণ কৰে। আক্ৰমণৰ বলি হোৱা আটাইকেইজন লোক দিল্লীৰ বাসিন্দা। তেওঁলোকে গোৱা ভ্ৰমণলৈ গৈ এনে অনাহূত পৰিস্থিতিৰ সন্মুখীন হৈছে।
পৰ্যটককেইগৰাকীক চোকা অস্ত্ৰৰে আক্ৰমণ কৰা হৈছে বুলি অভিযোগ উঠিছে।এজন পৰ্যটকই ইতিমধ্যে ঘটনাটোৰ বিষয়ে ইনষ্টাগ্ৰামত শ্বেয়াৰ কৰিছে। প্ৰকৃততে কি ঘটিছিল গোৱাত?আৰক্ষীৰ সূত্ৰ অনুসৰি পৰ্যটকসকলে ৰিজৰ্টত হুক্কা খাই আছিল। তেওঁলোকে ৰিজৰ্টৰ ৱেইটাৰৰ সৈতে তৰ্কত লিপ্ত হৈছিল। দৰাচলতে ৱেইটাৰে তেওঁলোকক কৈছিল যে সেই স্থানত ধূমপান কৰা নিষেধ। ৱেইটাৰে লোককেইজনক ধূমপান বন্ধ কৰিবলৈ অনুৰোধ কৰিছিল। পৰ্যটকসকলৰ সৈতে ৱেইটাৰৰ তৰ্কই চৰম সীমাত উপনীত হৈছিল।পিছত ৰিজৰ্টৰ মেনেজাৰে ঘটনাটোৰ মীমাংসা কৰিবলৈ আহিছিল।
এটা ভিডিঅ'ত দেখা গৈছে যে ৰিজৰ্টৰ ৰিচেপচনিষ্টজনে পৰ্যটকসকলৰ সৈতে তৰ্ক কৰি আছে। ৱেইটাৰজনে ৰিজৰ্টৰ বাহিৰত পৰ্যটকসকলক পুনৰ লগ পাইছিল। তেওঁলোকৰ মাজত আকৌ তৰ্ক লাগিছিল। আৰক্ষীয়ে জনোৱা অনুসৰি পৰ্যটকসকলে স্থানীয় ৱেইটাৰ জনক গালি পৰা দেখি কিছুসংখ্যক স্থানীয় লোকে আগবাঢ়ি আহি পৰ্যটকৰ দলটোক আক্ৰমণ কৰে।
এজন টেক্সি চালকে চুৰিৰে এজন পৰ্যটকক আক্ৰমণ ৰাত তেওঁ গুৰুতৰভাবে আহত হয়।গোৱাৰ মুখ্যমন্ত্ৰী প্ৰমোদ সাৱন্তে কৈছএ যে দুয়োপক্ষই উচটনিমূলক মন্তব্য কৰাৰ প্ৰমাণ পোৱা গৈছে। গোৱাৰ পৰ্যটন মন্ত্ৰী ৰোহন খায়ুণ্টে কৈছেযে এনে ধৰণৰ ঘটনা সহ্য কৰা নহ'ব। অপৰাধীসকলৰ বিৰুদ্ধে কঠোৰতম ব্যৱস্থা গ্ৰহণ কৰা হ'ব।
Continue Reading
